इराकसँग नेपाल पराजित

पहिलो हाफमा इराकले नेपालमाथि दबाब कायम गरेपनि दुवै तर्फबाट गोल हुन सकेको थिएन । दोस्रो हाफको ६८ औं मिनेटमा गोलरक्षक र डिफेन्डरको असमझदारीको फाइदा उठाउँदै इराकले अग्रता लियो । इराकका मोहम्मद लुय मन्डलावीले गोलरक्षकले समाउन खोजेको बललाई पहिलो टचमा खाली पोस्टको दिशा दिएका थिए ।
जितसँगै इराक अंक तालिकामा ३ अंक जोड्दै दोस्रो स्थानमा पुगेको छ । दिनको पहिलो खेलमा प्यालेस्टाइनलाई ३-० ले पराजित गरेको भारत शीर्षस्थानमा छ ।
छनोट अन्तर्गत समूहको शीर्ष स्थानमा रहने टोली स्वत: अन्तिम चरणको लागि छनोट हुनेछ । सहभागी १० समूहका दोस्रो स्थानमा आउने शीर्ष ५ टोलीले पनि सन् २०१८ मा मलेसियामा हुने एएफसी यू१६ च्याम्पियनसिपमा सहभागिता जनाउने छन् ।