गैंडा संरक्षणका लागि फुटबल

नवीन पौडेल

नवलपरासी — एकसिंगे गैंडा संरक्षण र जनचेतनाका लागि नवलपरासीको मध्यविन्दु २ कोल्हुवामा राष्ट्रियस्तरको १४ औं राइनो संरक्षण गोल्डकप फुटबल प्रतियोगिता हुने भएको छ ।

सर्वाधिक धनराशिको पुरस्कार रहेको प्रतियोगितामा विभागीय टिमहरूको पनि सहभागिता रहने छ । ‘संरक्षण चेतनाका लागि खेलकुद भन्ने’ नारासहित कात्तिक १० देखि हुने प्रतियोगितामा त्रिभुवन आर्मी, एपीएफ र नेपाल पुलिस सहित ‘ए’ डिभिजनका क्लब सहभागीहुने प्रतियोगिता आयोजकनन्द–भाउजु मध्यवर्ती उपभोक्ता मूल समितिका अध्यक्ष दोमन बहादुर भण्डारीले जानकारी गराए ।

लोपोन्मुख गैंडाबारे जानकारी दिने तथा प्रतियोगिता अवधिभर वन, वातावरण र वन्यजन्तु संरक्षणको उद्देश्य जानकारी गराइने संरक्षणकर्मी विष्णु अधिकारीले बताए ।

चितवन राष्ट्रिय निकुञ्जअन्तर्गत नन्द–भाउजु मध्यवर्ती उपभोक्ता समितिको आयोजनामा प्रतियोगिता हुन लागेको हो । २०६७ सालदेखि उपभोक्ता समितिले निरन्तर गोल्डकप गर्दै आएको छ । स्पर्धाका लागि ६५ लाख रुपैयाँ खर्च लाग्ने आयोजकको अनुमान छ । गत वर्ष ३ लाख २५ हजार पुरस्कार राखिएको प्रतियोगितामा यस वर्ष ५ लाख २५ हजार ५ सय ५५ रुपैयाँ पुर्‍याइएको छ । गत वर्ष राइनो कप ब्वाइज युनियन काठमाडौंलेजितेको थियो ।

प्रकाशित : आश्विन २१, २०७४ ०७:४६
प्रतिक्रिया
पठाउनुहोस्
ADVERTISEMENT
ADVERTISEMENT

तीन खेलाडी अकल्यान्डतिर

कान्तिपुर संवाददाता

काठमाडौं — एसियाली सिनियर बुद्धिचाल च्याम्पियनसिपमा भाग लिन नेपाली बुद्धिचाल टोली शुक्रबार न्युजिल्यान्डको अकल्यान्ड गएको छ ।

अक्टोबर ९ देखि १७ सम्म हुने ५० वर्षमाथिको प्रतियोगितामा ३ खेलाडी भाग लिने छन् । खेलाडीमा फिडे मास्टर सुजेन्द्रप्रसाद श्रेष्ठ, भेट्रान राष्ट्रिय च्याम्पियन रवीन्द्र शाक्य र राजभाइ शाक्य छन् । 

 

प्रकाशित : आश्विन २१, २०७४ ०७:४६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT