आइसल्यान्ड पहिलोपटक विश्वकपमा, सर्बिया पनि छनोट

एएफपी

एजेन्सी — विश्वकप छनोट अन्तर्गत सोमबार कोसोभोलाई २-० ले पराजित गर्दै आइसल्यान्ड पहिलो पटक विश्वकपमा छनोट भएको छ । गिल्फी सिगर्डसन र आरोन गुडमुनसनको गोलमा पाहुना टोली अाइसल्यान्डले जित दर्ता गर्‍यो ‌।

लगभग ३ लाख ३० हजार जनसङ्ख्या भएको अाइसल्यान्ड विश्वकपमा छनोट हुने सबैभन्दा सानो देश हो । अान्द्रे क्रामारिचको दुई गोलमा क्रोएसियाले युक्रेनलाई २-० ले हराउँदै प्लेअफ स्थानमा पुग्यो ।

सर्बिया पनि सोमबार जितका साथ विश्वकपमा छनोट भयो । एलेक्जेन्डर प्रिजोभिचको ७४ मिनेटको गोलसँगै सर्बियाले जर्जियालाई १-० ले हरायो । यता अायरल्यान्डले वेल्सलाई १-० ले हराउँदै समूहमा दोस्रो स्थान कब्जा गर्‍यो ।

विश्वकपमा छनोट भइसकेको स्पेनले इजरायलमाथि १-० को जित निकाल्यो । आसिअार इलारामेन्डिले खेलको एकमात्र गोल गरे । एन्टोनियो क्यान्ड्रेभाको गोलमा इटालीले अल्बानियालाई १-० ले हरायो ।

प्रकाशित : आश्विन २४, २०७४ ०७:४४
प्रतिक्रिया
पठाउनुहोस्

पाकिस्तान जिततर्फ अग्रसर

एएफपी

दुबइ — पाकिस्तानले श्रीलंकाविरुद्धको दोस्रो टेस्ट जित्न मंगलबार अन्तिम तथा पाँचौं दिन थप १ सय १९ रन बनाउनु पर्नेछ र यसका पाँच विकेट बाँकी छन् ।

श्रीलंकाले आफ्नो दोस्रो इनिङ्समा जितका लागि ३ सय १७ रनको लक्ष्य पाएकोमा त्यसलाई पछ्याउँदै चौथो दिनको खेल समाप्त हुँदा पाँच विकेटमा १ सय ९८ रन बनाएको छ ।

यसअघि श्रीलंका आफ्नो दोस्रो इनिङ्समा ९६ रन बनाएर अलआउट भएको थियो । पाकिस्तानले आफ्नो पहिलो इनिङ्समा २ सय ६२ रन बनाएको थियो भने श्रीलंकाले ४ सय ८२ रनको स्कोर खडा गरेको थियो ।

प्रकाशित : आश्विन २४, २०७४ ०७:४४
पूरा पढ्नुहोस्
प्रतिक्रिया
पठाउनुहोस्