अर्जेन्टिनालाई मैदानले समस्या पार्न सक्ने
क्विटो — विश्वकप छनोट अन्तर्गत अन्तिम खेलमा इक्वेडर विरुद्ध जित दर्ता गर्ने सुरमा रहेको अर्जेन्टिनालाई क्विटोस्थित खेल हुने मैदानले समस्या पार्ने सम्भावना छ । लगातार वर्षाका कारण मैदानको स्थिति उत्तम नरहेको इक्वेडरका मिडियाले जनाएका छन् । खेलको समयमा पनि पानी पर्ने सम्भावना रहेको छ ।
समुद्री सतहबाट ९ हजार फिट उचाइमा रहेको इस्टाडियो ओलम्पिको अथौल्पामा अर्जेन्टिनाले १६ वर्षयता जित दर्ता गरेको छैन । पछिल्ला ३ खेलमा अर्जेन्टिनाले २ हार र १ बराबरी गरेको छ । जारी विश्वकप छनोटमा ब्राजिल र कोलोम्बिया दुवैले इक्वेडरलाई यस मैदानमा पराजित गरेका छन् ।
फिफा वरीयतामा इक्वेडर ३५ औं स्थानमा छ भने अर्जेन्टिना चौथोमा छ ।
प्रकाशित : आश्विन २४, २०७४ १३:५१प्रतिक्रिया
