बेदिङमा टेलिकमको मोबाइल सेवा
काठमाडौं — नेपाल टेलिकमले सगरमाथा आरोहीहरूको गाउँ भनेर चिनिने दोलखाको बेदिङमा बीटीएस स्थापना गरी जीएसएम मोबाइल सेवा सञ्चालनमा ल्याएको छ । यो सेवाबाट गौरीशंकर, नागुन तथा खेल्चाका ८४ घरधुरीका करिब पाँच सय बासिन्दा तथा यस क्षेत्रमा आउने पर्यटकहरू लाभान्वित हुने जारी विज्ञप्तिमा उल्लेख छ । सेवा सुचारु भएपछि जनता उत्साहित भएको पाइएको टेलिकमले जनाएको छ ।