आयो आइफोन १० र ८

कान्तिपुर संवाददाता

काठमाडौं — एप्पलले नयाँ फोन मंगलबार सार्वजनिक गरेको छ । एप्पलले आइफोन १० सहित आइफोन ८ र ८ प्लस बजारमा ल्याएको हो । पहिलो आइफोन सार्वजनिक भएको १० वर्ष पुगेको उपलक्ष्यमा यसले प्रयोगकर्तालाई ‘सप्राइज’ दिँदै आइफोन एक्स अर्थात् टेन सार्वजनिक गरेको छ ।

अब एप्पलले आइफोन ९ नल्याउने भएको अनुमान गरिएको छ । एप्पलका प्रमुख कार्यकारी अधिकृत टिम कुकले अमेरिकाको क्यालिफोर्नियामा आयोजित समारोहमा नयाँ फोन सार्वजनिक गरेका हुन् । उनले आइफोन ८ र ८ प्लसलाई अहिलेसम्मकै उत्कृष्ट फोन र आइफोन टेनलाई भविष्यको प्रविधि बताए । त्यस्तै आइवाच थ्री र नयाँ एप्पल टीभी पनि सार्वजनिक गरेको छ । आइवाचले सिरीसहित फोरजी पनि सपोर्ट गर्छ ।

आइफोन ८ र ८ प्लसमा आइफोन ७ र ७ प्लसकै विशेषतालाई सुधारिएको छ । यी फोनको नयाँ विशेषता भनेको यसमा वायरलेस चार्जिङ छ । आइफोन ८ को स्क्रिन ४.७ इन्च र ८ प्लसमा ५.५ इन्च रहेको छ । दुवै फोनमा होम बटन र टस आईडी राखिएका छन् । दुवै फोन ६४ जीबी र २५६ जीबी मोडलमा उपलब्ध हुनेछन् । सेप्टेम्बर १५ देखि बुकिङ सुरु हुने यी फोनहरू सेप्टेम्बर २२ देखि डेलिभर हुने कम्पनीले जनाएको छ । आइफोन टेनलाई एप्पलका प्रमुख टिम कुकले भविष्यको स्मार्टफोनको संज्ञा दिएका छन् । एप्पलले आइफोन टेनमा केही नयाँपन दिएको छ ।

 

प्रकाशित : भाद्र २९, २०७४ ०८:०८
प्रतिक्रिया
पठाउनुहोस्

मेड इन पाकिस्तान एक्सपो सुरु

कान्तिपुर संवाददाता

काठमाडौं — मेड इन पाकिस्तान एक्सपो राजधानीमा सुरु भएको छ । पाकिस्तानी उत्पादनहरूको प्रदर्शनी रहने एक्सपो राजधानीको युनाइटेड वल्र्ड सेन्टरमा आयोजना भएको छ ।

एक्सपोको उद्घाटन वाणिज्यमन्त्री मीनबहादुर विश्वकर्माले गरेको जारी विज्ञप्तिमा उल्लेख छ ।
उक्त प्रदर्शनी पकिस्तानका विभिन्न व्यवसायीहरूका उत्पादन रहने छन् । यसको आयोजना रावलपिन्डी चेम्बर अफ कमर्सले गरेको विज्ञप्तिमा छ । प्रदर्शनीमा फर्निचर, छालाका उत्पादन, हस्तकलाका उत्पादन र गरगहना राखिएका छन् । विज्ञप्तिअनुसार पाकिस्तानका ५० व्यवसायीको सहभागिता छ ।
प्रदर्शनीले पाकिस्तानका उत्पादनको नेपालमा प्रवद्र्धन गर्न सहयोग पुग्ने नेपालस्थित पाकिस्तानी दूतावासद्वारा जारी विज्ञप्तिमा उल्लेख छ । प्रदर्शनी असोज ३ गतेसम्म चल्नेछ ।

प्रकाशित : भाद्र २९, २०७४ ०८:०८
पूरा पढ्नुहोस्
प्रतिक्रिया
पठाउनुहोस्