‘विच्याट’ ले फेसबुकलाई उछिन्यो
काठमाडौं — चीनको ठूलो सोसल मिडिया कम्पनी ‘टेन्सेन्ट’ ले फेसबुकलाई सम्पत्तिमा उछिनेको छ । ‘विच्याट’ सन्देश एप सञ्चालन गर्ने ‘टेन्सेन्ट’ को सम्पत्ति ५ सय अर्ब डलर पुगेको छ । हङकङमा मंगलबार कम्पनीको सेयर मूल्य २ दशमलव ४ प्रतिशतले वृद्धि भएसँगै फेसबुकलाई उसले पछाडि पारेको हो । यो कम्पनी विश्वकै पाँचौं स्थानमा सूचीकृत भएको टेलिग्राफ अनलाइन संस्करणमा उल्लेख छ ।