नेतृत्व फेरिए, अबस्था फेरिएन

विद्या राई

भोजपुर — पुर्वी पहाडी जिल्ला भोजपुरमा पटक पटकका निर्वाचनले नेता र नेतृत्व फेरिए पनि मतदाताका मुहार भने अझै फेरिन सकेको छैन । २००७ सालका क्रान्ति योद्धा नारदमुनि थुलुङदेखि गणतन्त्रकी राष्ट्रपति विद्यादेवी भण्डारीसम्मलाई जन्माउने भोजपुरमा अझै विकास निर्माणले फड्को मार्न सकेको छैन ।

बाहिरी जिल्लासंग जोड्ने एक मात्र भोजपुर–लेगुवा ६६ किमि नारदमुनि थुलुङ राजमार्ग निर्माण भएको १० बर्ष बितेको छ । यतिन्जेलसम्म कालोपत्रे नहुँदा यात्रुलाई हिउदको ६ महिना धुलो र बर्षातको ६ महिना हिलोको सकस छ । छिमेकी खोटाङ जिल्लासंग जोडिने मध्यपहाडी राजमार्गको हालत पनि उही छ । विकल्पमा रहेको हवाई सेवासमेत नियमित नहुँदा अन्य बिकास निर्माणसंगै आवतजावत गर्न समस्या छ । पटक पटक नेतृत्व फेरिएपनि विकासको मेरुदण्ड मानिएको सडकको विकासमा कसैको ध्यान नपुग्दा सर्वसाधारण मर्कामा परेको भोजपुर नगरपालिका दावाका लक्ष्मण चौहान गुनासो गर्छन् ।

प्रकाशित : कार्तिक २९, २०७४ १८:५१
ADVERTISEMENT
प्रतिक्रिया
पठाउनुहोस्
ADVERTISEMENT

विद्यालयका गाडी चालकले मंसिर १ गतेदेखि अनिवार्यरुपमा ड्रेस लगाउनुपर्ने

काठमाडौं — महानगरीय ट्राफिक प्रहरी महाशाखाका प्रमुख सर्वेन्द्र खनालले मंसिर १ गतेदेखि सबै विद्यालयका बस चालकले अनिवार्यरुपमा ड्रेस लगाउनुपर्ने बताएका छन् ।

सहयोगी हृदय नेपालले बुधबार काठमाडौंमा गरेको विद्यालयस्तरीय युवा विद्यार्थीलाई लागुऔषध, ट्राफिक नियम र साइबर अपराधबारे जनचेतनामूलक कार्यक्रमा उनले त्यसका लागि हरेक विद्यालयमा सूचना पठाइएको जानकारी दिए ।

उनले स्कुल, कलेज पढ्ने विद्यार्थी लागुऔषधमा फस्ने, मादक पदार्थ सेवन गरी बिनाहेल्मेट सवारी चलाउने कारणले अपराध र दुर्घटना बढ्दै गएकाले विद्यार्थीलाई सचेत हुन आग्रह गरे ।

बूढानीलकण्ठ नगरपालिकाका उपप्रमुख उमादेवी राईले देशका उत्पादनशील युवा कुलतमा फस्दा देशको भविष्यमा खतरा हुने भएकाले विद्यालयस्तरबाटै विद्यार्थीलाई सही मार्गदर्शन हुनुपर्नेमा जोड दिइन् । गृहमन्त्रायलका लागुऔषध नियन्त्रण इकाइका कार्यक्रम अधिकृत खड्गबहादुर श्रेष्ठले आफ्ना छोराछोरीलाई कुलतबाट बचाउनका लागि अभिभावकले छोराछोरीसँग सुमधुर सम्बन्ध राख्नुपर्ने बताए ।

प्रकाशित : कार्तिक २९, २०७४ १८:५१
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT