ऋण नतिरी भागेका भारतीय व्यापारी बिजय माल्या लण्डनमा पक्राउ
मुम्बई — बैंकहरुलाई ९ हजार करोड ऋण नतिरी भागेका भारतीय व्यापारी विजय माल्या लण्डनमा पक्राउ परेका छन् । उनलाई लण्डन प्रहरीले मंगलबार पक्राउ गरेको हो ।
फ्रेब्रुअरीमा भारतीय सरकारले बेलायतलाई विजय माल्याको बिषयमा जानकारी गराउँदै उनलाई पक्राउ गर्न अनुरोध गरेको थियो ।
सन् २०१६ को मार्चमा माल्या बेलायत पुगेका थिए । उनले ऋण लिएको बैंकहरुले ९ हजार करोड ऋण नतिरेको भनी मुद्दा दायर गरेपछि उनी भारतबाट भागेका हुन् । उनी भारतीय एयरलाइन्स किङ्फिसरका मालिक हुन् ।
भारतमा उनीविरुद्ध हुण्डी कारोबार गरेको र बैंकको ऋण नतिरेर ठगेको आरोपमा पक्राउ पूर्जी जारी गरिएको थियो ।
प्रकाशित : वैशाख ५, २०७४ १६:२१
प्रतिक्रिया