यसरी खिचेँ लोकमानलाई कालोमोसो दलेको फोटो

अंगद ढकाल

काठमाडौं — अख्तियार दुरुपयोग अनुसन्धान आयोगका निलम्बित प्रमुख आयुक्त लोकमानसिंह कार्कीको तारिख सुरु आजदेखि हुँदै थियो । लोकमानसिंह अदालत आएपनि समाचार हुने र नआएपनि हुने । यही सोचेर म अदालत करिव २ बजेतिर सर्वोच्च अदालत पुगेँ ।

त्यहाँ पुग्दा फोटो र रिपोर्टिङका साथीहरु लोकमान कतिखेर आउलान् भनेर कुरेर बसिरहेका थिए । हामी लोकमान सर्वोच्च आउँछन् कि आउँदैनन् भन्ने छलफल गर्दै बसिरहेका थियौं । किनकी यसभन्दाअघि म्याद तामेलीको फोटो खिच्न जाँदा हामी खाली हात फर्कनु परेको थियो ।

त्यसैले अरु पत्रकारहरु यही विषयमा छलफल गर्दै थिए । करिव २ घण्टाको पर्खाइपछि ४ बजेर १५/२० मिनेटतिर उनी सेतो कारमा अदालतभित्र आइपुगे । उनी गार्डसहित कारबाट झरेर सरासर तामेल तारेख बुझ्ने ८ नम्बर शाखामा लागे ।

हामी शाखाअगाडि फोटो खिच्न तयारी अवस्थामा थियौं । उनी तारेखका क्रममा हस्ताक्षर गर्न ८ नम्बर कोठातिर गए । उनले हातमा कलम लिएर हस्ताक्षर गर्नै लाग्दा पछाडिबाट एकजनाले उनको मुखतिर हात बढाए ।

मैले केहोला भनेर हेरेँ । हत्तरपत्त मैले क्यामेराको सटरबटन दबाएँ । लौ केही त भयो भन्ने मलाई लाग्यो । तर यसअघि हामीलाई झ्यालबाट अदालतका कर्मचारीले भित्रको फोटो नखिच्नुस् भनेर आग्रह गरेका थिए । त्यसैले पनि होला फोटोपत्रकार लोकमानसिंह ८ नम्बर कक्षमा पस्नै लाग्दा तस्बिर खिचेपछि सेलाएका थिए । तर मैले भने हस्ताक्षरको फोटो खिच्छु भनेर बसेकोले उनलाई कालोमोसो दलेको फोटो खिच्न भ्याएँ ।

कसैलेपनि यस्तो घटनाहोला भनेर सोचेका थिएनन् । म लोकमानले हस्ताक्षर गर्दै गर्दाको फोटो खिच्न एंगल छान्दै गर्दा झ्याल नेर पुगेको थिएँ ।

त्यसपछि हात अघि बढाउने मान्छे नेकपा माओवादी जिन्दावाद भन्दै गयो। उसलाई समात् समात भन्दै कर्मचारी र सुरक्षाकर्मी कराए । अनि लोकमानलाई चाहिँ झ्याल ढोका सबै बन्द गराएर कोठाभित्र राखियो । उनले कोठामा मुख धोए ।

कालोमोसो दल्नेलाई सुरक्षाकर्मीले पक्राउ गरिसकेपछि लोकमानसिंह बाहिर निस्किए । त्यतिबेला पत्रकार र अरुको बाक्लै उपस्थिति भइसकेको थियो ।

म भने अनलाइनमा काम गर्ने भएकोले बाहिर निस्कँदै गर्दाको केही सट फोटो खिचेर थापाथलीस्थित अफिसमा दगुर्नै हतार भयो ।

प्रकाशित : पुस ७, २०७३ १७:५३
प्रतिक्रिया
पठाउनुहोस्
ADVERTISEMENT

लोकमानलाई कालोमोसो दल्नेलाई यसरी लिइयो नियन्त्रणमा

कालोमोसो दल्ने विप्लव माओवादीका विद्यार्थी नेता
जनकराज सापकोटा

काठमाडौं — अख्तियारका निलम्बित प्रमुख आयुक्त लोकमानसिंह कार्की सर्वोच्च अदालतमा म्याद बुझ्नका लागि उपस्थित हुँदा अखिल क्रान्तिकारी विप्लव समूहका केन्द्रिय सदस्य प्रकाश शाही र चन्द्रबहादुर बूढाले कालोमोसो दलेका छन् । पेशी कोठामा लोकमानले म्याद बुझिरहेको बेला पछाडिबाट आक्रमण गर्दै उनको मुखमा कालोमोसो दलिएको हो ।

अख्तियारका निलम्बित प्रमुख आयुक्त लोकमानसिंह कार्की सर्वोच्च अदालतमा म्याद बुझ्नका लागि उपस्थित हुँदा अखिल क्रान्तिकारी विप्लव समूहका केन्द्रिय सदस्य प्रकाश शाही र चन्द्रबहादुर बूढाले कालोमोसो दलेका छन् ।

पेशी कोठामा लोकमानले म्याद बुझिरहेको बेला पछाडिबाट आक्रमण गर्दै उनको मुखमा कालोमोसो दलिएको हो । लोकमानको मुखमा मोसो दलेर ती व्यक्ति परिसरबाट 'माअाेवादी जिन्दावाद'काे नारा लगाउँदै भाग्न खोज्दा प्रहरीले पक्राउ गरेका थिए ।

अखिल क्रान्तिकारीका अध्यक्ष पूर्ण सिंहले अाफ्ना कार्यकर्ताले कालाेमाेसाे दलेकाे जिम्मेवारी लिएका छन् । 'हाम्राे पार्टीकाे नीति अनुसार नै कालाेमाेसाे दल्ने काम गरिएकाे हाे,' उनले भने, 'भ्रष्टहरुलाई कालाेमाेसाे दल्ने कामलाई हामी निरन्तरता दिन्छाैं ।'



महानगरीय प्रहरी कार्यालयका प्रमुख एअाइजी प्रतापसिंह थापाका अनुसार सर्वोच्च परिसरमा पक्राउ परेका दुवै व्यक्ति अहिले महानगरीय प्रहरी परिसर काठमाडाैं लगिएकाे छ । प्रहरीकाे बाक्लाे तैनाथीकाे बाबजुद कसरी घटना भयाे भन्ने बारे अध्ययन सुरु गरिएकाे पनि उनले बताए ।

















तस्बिरहरु : अंगद ढकाल/कान्तिपुर

प्रकाशित : पुस ७, २०७३ १७:३६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT