मधेस–पहाडको दुरी बढाउने एमाले विखण्डनकारी : गृहमन्त्री

सुदीप कैनी

गोरखा — उपप्रधान तथा गृहमन्त्री विमलेन्द्र निधिले एमालेले मधेस पहाडबीचको दुरी बढाउने काम गरेको आरोप लगाएका छन् । शनिबार सदरमुकाममा नवौं गोरखा महोत्सवको समापन गर्दै उनले भने, ‘एमालेले संविधान संशोधन गर्न नदिएर मधेस पहाडको दुरी बढाएर विखण्डन गर्न खोज्यो ।’

उपप्रधान तथा गृहमन्त्री विमलेन्द्र निधिले एमालेले मधेस पहाडबीचको दुरी बढाउने काम गरेको आरोप लगाएका छन् ।

शनिबार सदरमुकाममा नवौं गोरखा महोत्सवको समापन गर्दै उनले भने, ‘एमालेले संविधान संशोधन गर्न नदिएर मधेस पहाडको दुरी बढाएर विखण्डन गर्न खोज्यो ।’ आफू सरकारमा हुँदा राष्ट्रवादी र नहुँदा राष्ट्रघातीको आरोप लगाएर एमालेले दोहोरो चरित्र देखाएको उनको भनाई थियो ।

‘केपी ओलीले सत्ताबाट हट्नुपरेको आवेशमा संविधान संशोधन गर्न हुँदैन भनेर संशोधनको पक्षमा रहेकालाई राष्ट्रघाती भन्नु भएको हो,’ उनले भने । संविधान जारी गर्ने बेला ओलीले समेत संविधान संशोधन गर्ने भनेर हस्ताक्षर गरेको उनले बताए । ‘म एमालेलाई चुनौति दिन्छु, केपी ओलीले पानापानामा हस्ताक्षर गर्नुभएको छ,’ हस्ताक्षर गरेको संवैधानिक राजनीतिक समितिको प्रतिवेदन देखाउँदै उनले भने, ‘सरकारमा नहुँदा कुरा फेरेर हुन्छ ?’

अज्ञानता र ईष्यापूर्वक संविधानको विपक्षमा लागेर प्रतिपक्षि एमालेले संसद अवरुद्ध पारेको उनले बताए । ‘संसद चल्न नदिनु मुढेबल हो,’ उनले भने, ‘संविधानमा क्रुटि छ, संशोधन भएमात्रै संविधान कार्यान्वयन गरेर चुनाव गर्न सकिन्छ ।’ सरकारले संशोधन गरेर चैत्रमा चुनाव गर्ने तयारी गरेको उनले जानकारी दिए ।

‘मधेस पनि नेपाल नै हो । मधेसी पनि नेपाली नै हुन्,’ उनले भने, ‘मधेसीलाई विदेशी, भारतीय भन्ने अधिकार कसैलाई छैन, उचित मागको सम्बोधन हुन्छ ।’ चुनाव गराउन नदिएर संघियता समाप्त पार्ने षडयन्त्र भई रहेको उनले बताए । संसद अवरोध गरेर संसदिय, संवैधानिक र लोकतान्त्रिक प्रक्रियाको उल्लंघन भएको गृहमन्त्री निधिले बताए ।

पहिलो महिला डोजर चालक सम्मानित
महोत्सवको अवसरमा नेपालकै पहिलो महिला डोजर चालकलाई सम्मानित गरिएको छ । गृहमन्त्री निधिले गोरखा बोर्लाङ निवासी चालक मुना घिमिरे श्रेष्ठलाई दोसल्ला र प्रमाणपत्रले सम्मान गरेका हुन् ।

त्यस्तै जिल्लाकै पहिलो उद्यमी तुलसीप्रसाद देवकोटा, गायक रामचन्द्र अर्याल र गीत लेखक काजीबावु थापा पनि सम्मानित भएका छन् ।

लोकगीतमा स्याङजा पहिलो, गुरुङ गोरखा तारा
गोरखा महोत्सवमा भएको पश्चिमाञ्चल स्तरीय लोकदोहोरी प्रतियोगितामा स्याङजा जिल्लाको टिम पहिलो भएको छ । ८ जिल्लाको टोली बिच राष्ट्रिय लोकदोहारी गीत प्रतिष्ठानले प्रतियोगिता गराएको थियो । प्रतियोगितामा लम्जुङ दोस्रो र गोरखा जिल्ला तेस्रो भएको छ । पहिलो, दोस्रो र तेस्रो टिमलाई नगद ३०, २० र १० हजार पुरस्कार प्रदान गरिएको छ ।

त्यस्तै दोस्रो गोरखा तारामा मनराज गुरुङ छनौट भएका छन् । जिल्लाका सांगितिक क्षेत्रका प्रतिभा खोज्ने उद्देश्यले १६ जना विच प्रतियोगिता भएको थियो ।

प्रकाशित : पुस १६, २०७३ १७:५३
प्रतिक्रिया
पठाउनुहोस्

पहिला ओलीजीले गाँजा खाएर संशोधनमा हस्ताक्षर गरेको हो की विवेकले गरेको हो प्रष्ट्याउनु पर्छ : देउवा

कान्तिपुर संवाददाता

बागलुङ — कांग्रेस सभापति शेरबहादुर देउवाले एमालेले गरेको संसद बहिष्कार राष्ट्रहित विपरीत भएको बताएका छन् । एमालेले खोक्रो राष्ट्रवादको नारा लगाएको समेत उनले बताए । कांग्रेस क्षेत्र नं. १ ले गरेको ४१ औं मेलमिलाप दिवसको अवसरमा बोल्दै कांग्रेस सभापति देउवाले हलो अड्काउन खोजेको एमाले सहमतिमा नआए अब धेरै दिन कुर्न नसकिने बताए ।

कांग्रेस सभापति शेरबहादुर देउवाले एमालेले गरेको संसद बहिष्कार राष्ट्रहित विपरीत भएको बताएका छन् । एमालेले खोक्रो राष्ट्रवादको नारा लगाएको समेत उनले बताए ।

कांग्रेस क्षेत्र नं. १ ले गरेको ४१ औं मेलमिलाप दिवसको अवसरमा बोल्दै कांग्रेस सभापति देउवाले हलो अड्काउन खोजेको एमाले सहमतिमा नआए अब धेरै दिन कुर्न नसकिने बताए । बखेडा रोकेर सहमतिमा नआए जसरी पनि संशोधन प्रस्ताव पारित गरेर छाड्ने उनेले बताए ।

संसद अवरोध गर्दै मधेसी जनतालाई गाली गर्दैमा मुलुकको अस्तित्व रक्षा हुन नसक्ने भन्दै संसद चल्न दिएर गतिरोध अन्त्य गर्न एमाले अग्रसर हुनु पर्नेमा उनले जोड दिए ।

संसद अवरोध गरेर तथा मधेसीलाई गाली गरेर देशको अस्तित्व रक्षा हुन नसक्ने भन्दै बरु संसद चल्न दिएर राष्ट्रले जित्ने बताए । संविधान संशोधन प्रस्तावमा केपी ओलीले समेत सहिछाप गरेको उनले जिकिर गरे ।

‘सुशील कोइरालासँगै बसेर हस्ताक्षर गर्ने, अहिले होइन भनेर खोक्रो राष्ट्रवादको नारा लगाउन पाइँदैन,’ देउवाले भने, ‘त्यतिबेला गाँजा खाएर हस्ताक्षर गरेको हो की विवेकले गरेको हो प्रष्ट्याउनु पर्छ । कि मैले गल्ती गरेँ भन्नुपर्‍यो, होइन भने देश र जनतालाई ढाँट्न पाइँदैन ।’

देशको बोर्डर जोगाउन खोज्ने मधेसी जनतालाई जथाभावी गाली नगर्न पनि उनले एमालेलाई आग्रह गरे । मधेसबासीलाई एमालेले चर्को आलोचना गरेर पर धकेल्न खोल्दा झन राष्ट्रियता खतरामा पर्ने आफूले महशुस गरेको उनले बताए ।

केही दिनमै संविधान संशोधनको प्रस्ताव पारित भएपछि राजनीतिक संक्रमण अन्त्यको बाटो खुल्ने उनले बताए । मुलुक संकटमा परेको समयमा जहिलेपनि कांग्रेसले मेलमिलाप गर्दै अघि बढेको इतिहास रहेको उनले बताए । बीपी कोइरालाले तत्कालिन अवस्थामा राजासँगको मेलमिलाप नीति लिए जस्तै कांग्रेसले संविधान संशोधन मार्फत जनताको मेलमिलाप चाहेको उनले बताए ।

मधेसी, पहाडी र हिमाली जनताबीचको भावनात्मक एकता र मेलमिलापबाट कांग्रेसले बचाई राख्ने उनले बताए । बीपी कोइरालाले तत्कालिन अवस्थामा राजासँगको मेलमिलाप नीति लिए जस्तै कांग्रेसले संविधान संशोधनमार्फत जनताको मेलमिलाप चाहेको उनले बताए ।

‘पहाड र मधेसका जनताबीच भेदभावको भावना बढाएर देश बन्न सक्दैन,’ देउवाले भने, ‘जनताबीच अविश्वास जन्माएर राष्ट्रियता जोगाउन सकिँदैन । बरु देशको अस्तित्व संकटमा पर्नेछ ।’

संविधान कार्यान्वयनका लागि स्थानीयदेखि संसदसम्मको निर्वाचन १४ महिना भित्रै सक्नुपर्ने आवश्यकतामा उनले जोड दिए ।

प्रकाशित : पुस १६, २०७३ १७:४८
पूरा पढ्नुहोस्
प्रतिक्रिया
पठाउनुहोस्