भारतले हिन्दु राष्ट्रबारे चासो देखाएको थियोः देउवा

लीलावल्लभ घिमिरे

विराटनगर — कांग्रेस बरिष्ठ नेता शेरबहादुर देउवाले भारत भ्रमणका बेला आफुले भारतीय नेतहरुससंग कुनै सहमति नगरेको दावी गरेका छन् ।

विहीवार साँझ विराटनगर विमानस्थलमा संवाददाताहरुले भारतसंग तपाईले के सहमति गर्नु भएको थियो भन्ने प्रश्नमा नेता देउवाले भने, 'मैले कुनै सहमति गरेको हैन भारतमा विभिन्न नेताहरु संगको भेटमा हिन्दुराज्यका बारेमा उनीहरुले चासो देखाएका थिए, तर त्यसका लागि दुई तिहाइ चाहीन्छ भन्ने कुरापनि उनीहरुलाई थाहा थियो ।'

संविधान बन्नुअघिका भ्रमणमा भारतले हिन्दुराज्यबारे कुरा गरेको तर मुलुक धर्म निरपेक्षतामा गइ सकेको  आफूले जानकारी गराएको देउवाले बताए ।

Citizen

सरकार आफ्नै बोझले ढल्ने दोहोर्‍याउँदै नेता देउवाले भने, 'सरकार राम्रोसंग चलेकै छैन् ।' संविधानमा छुटेका कुरालाई पुनः मधेसी दलहरुको सहमतिमा संसोधन गर्ने तयारी भइ रहेकाले अव वार्ता चाडै सफल हुने वताए । 'सहमती नजिक पुगेका छौ,' देउवाले भने, 'सिमाङकनमा पनि अब कुरा मिल्छ ।'

संवाददाताहरुले तपाई आसन्न कांग्रेस महाधिवेशनमा सभापतिको उमेद्वार हो नि ? भन्ने प्रश्नमा देउवाको उत्तर थियो 'तपाईहरुले के लाग्छ म उमेद्वार बन्छु कि बन्दीन होला ।' पार्टी भित्र कृयाशील सदस्यताको विवादलाई आयोगले दिएको प्रतिवेदनलाई हु बहु पालना गरी समाधान गर्नु पर्ने देउवाको भनाइ थियो । शुक्रवार यहाँ हुने नेपाल महिला संघको अञ्चल स्तरीय अगुवा कार्यकर्ता प्रशिक्षण कार्यक्रममा भाग लिन देउवा आएका हुन् ।

 

प्रकाशित : पुस १६, २०७२ १९:१६
प्रतिक्रिया
पठाउनुहोस्

भिक्ट्रीमा नवीन के र एड्रियन लाइभ

कान्तिपुर संवाददाता

काठमाडौं — दरबारमार्ग स्थित भिक्ट्री क्लब, लाउन्ज एन्ड बारले नयाँ वर्षमा नेपालका चर्चित गायकहरुको प्रत्यक्ष कार्यक्रम आयोजना गरेको छ । ‘न्यु इयर इभ’ अर्थात् आज डिसेम्बर ३१ मा क्लबमा चर्चित गायक एड्रियन प्रधानले प्रस्तुति दिँदैछन् भने भोलि जनवरी १ मा अर्का गायक नवीन के भट्टराईले गाउँदैछन् ।



क्रिसमसका अवसरमा भिक्ट्रीमा सविन राईले प्रस्तुति दिएका थिए । हरेक दिन ब्यान्ड र कलाकारहरुको प्रस्तुति रहने यो क्लबले विशेष अवसरमा चर्चित कलाकारको प्रत्यक्ष कार्यक्रम गर्ने गरेको छ ।

 

प्रकाशित : पुस १६, २०७२ १९:०८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT