काठमाडौंलाई ‘स्मार्ट हेरिटेज सिटी’ बनाउनुहोस् : मन्त्री श्रेष्ठ

‘यो कल्चरल हेरिटेज सिटी हो । बजेट कार्यान्वयन गर्दा त्यसलाई पनि ध्यान दिनुहोला । त्यसकै आधारमा काठमाडौंलाई स्मार्ट सिटी बनाऔँ । स्मार्ट भन्ने बित्तिकै सम्पदाको संरक्षण हुदैन भनेर सोच्नुहुदैन, त्यो गलत हो,’ उनले भने, ‘काठमाडौंलाई हेरिटेज सिटीसँगै स्मार्ट सिटीसमेत बनाउन तपाईहरू सफल हुनुहोस्, मेरो शुभकामना छ ।’

मन्त्री श्रेष्ठले महानगरपालिकाको सेवा सुविधा प्रविधियुक्त हुनुपर्ने बताए । ‘महानगरपालिकामा भीडभाड देखिनु राम्रो होइन, अब नयाँ विज्ञान र प्रविधिमा आधारित भएर सेवा दिनुपर्ने हुन्छ,’ उनले भने ।