गोरखामा चितुवाको आक्रमणबाट प्रहरीसहित तीन घाइते

चितुवाको आक्रमणबाट दुई जना घाइते भएपछि स्थानीयले प्रहरीलाई खबर गरेका थिए । घटनास्थल पुगेका प्रहरी सहायक हवल्दार सुनिल रायमाझीलाई पनि पछाडिबाट आक्रमण गरी घाइते बनाएको लामिछानेले जानकारी दिए । ‘घरभित्र बस्नुस्, बाहिर ननिक्लनुस् भनेर प्रहरी टोलीले स्थानीयलाई सूचित गर्दै गर्दा उन्यू घारीमा लुकेको चितुवाले प्रहरीलाई पनि आक्रमण गरेछ,’ उनले भने,‘स्थानीय र प्रहरीलाई आक्रमण गरेको दुरी ७–८ सय छ ।’

प्रहरी हवल्दार रायमाझीको पिठ्युमा चिथोरेको र अवस्था सामान्य रहेको प्रहरीले जनाएको छ । केशरबहादुरको ढाड र अभिषेकको बायाँ तिघ्रा, पाखुरा र नारीमा चितुवाले चिथोरेको डिएसपी लामिछानेले बताए । स्थानीय स्वास्थ्य संस्थामा उपचार भएका तीन जनाको अवस्था भने सामान्य छ ।