उपत्यकाको फोहोर दीर्घकालीन व्यवस्थापन गर्ने प्रक्रिया एक दशकदेखि योजनामै सीमित छ । राजधानीका घर, सडक र सार्वजनिक स्थलका फोहोर नउठेर दुर्गन्धित हुने क्रम पटकपटक दोहोरिँंदै आएको छ ।
भक्तपुरको जगातीस्थित यातायात व्यवस्था कार्यालयमा सयौंको संख्यामा सेवाग्राहीको भीड लाग्ने गर्छ । अरनिको राजमार्ग सडक खण्डमा पर्ने कार्यालय आउने सेवाग्राहीले सडकमै पार्किङ गनुपर्ने बाध्यता छ ।
जेनेरेटर बिग्रिएपछि राजधानीको टेकुमा फोहोरबाट बिजुली उत्पादन हुन छाडेको छ । अघिल्लो वर्ष साउनमा काठमाडौं महानगरका मेयर विद्यासुन्दर शाक्यले उद्घाटन गरेको फोहोरबाट बिजुली निकाल्ने प्लान्ट डेढ महिनायता बन्द छ ।
पाटन दरबार क्षेत्रको हरिशंकर मन्दिर मिचेर बनाइएको संरचना हटाउन पसल व्यवसायीले अटेर गरेका छन् । ललितपुर महानगरले बल प्रयोग गरी संरचना हटाउन खोजेपछि व्यवसायी आफैंले असार ३ भित्र हटाउने सहमति गरेका थिए । तर सहमतिको एक महिनाभन्दा बढी बितिसक्दा पनि संरचना भने जस्ताको तस्तै छन् ।
१० वर्षदेखि काठमाडौंमा ट्राफिक बत्तीले राम्ररी काम गरेका छैनन् । २० वर्षअघि नै सवारीको चाप बढेकाले नियन्त्रणलाई ट्राफिक बत्ती जोडिएको थियो । त्यसको तुलनामा काठमाडौंमा सवारी चाप निकै बढेको छ । तर, व्यवस्थापन भने सडक चोकमा उभिने ट्राफिक प्रहरीका २ हात र सिटीको भरमा चलिरहेको छ ।
काठमाडौं महानगरपालिकाले रानीपोखरी पुनर्निर्माणको जिम्मा नेपाली सेनालाई नदिइने स्पष्ट पारेको छ । शुक्रबार भएको २७ औं बोर्ड बैठकमा उपमेयर हरिप्रभा खड्गीलगायत वडा सदस्यले निर्माणको जिम्मा सेनालाई दिने विषयमा प्रश्न उठाएका थिए ।