बन्गाडकुपिण्डे नगरपालिका–४, गर्चेका किसानले उत्पादन गरेको तरकारीले बजार पाउन सकेको छैन । वर्षाका कारण यातायातका साधन नचल्दा तरकारी बिक्रि हुन नसकेको हो । बारीमै तरकारी कुहिन थालेपछि किसान चिन्तित भएका छन् ।
समता निकेतनले ७७ औं शाखाको रूपमा शारदा नगरपालिका–१, श्रीनगरमा विद्यालय स्थापना गरेको छ । विपन्न बालबालिकालाई गुणस्तरीय शिक्षा प्रदान गर्नेगरी समताले विद्यालय स्थापना गरिएको जनाइएको छ ।
बाँफिकोट गाउँपालिका–८, दुली दुलीखाका एक दम्पतीको खोलामा बगेर मृत्यु भएको छ । बाँफिकोट गाउँपालिका–५ र ६ सिमानामा रहेको बडगाईखोलामा बगेपछि ५० वर्षीय अमृत घर्ती र उनकी श्रीमती ४८ वर्षीया तुलसाको मृत्यु भएको प्रहरीले जनाएको छ ।