१८ औं एसियाली खेलकुदबाट नेपाली पौडी टोलीले शुक्रबार बिट मारेको छ । जकार्तास्थित जेबीके स्टेडियमको एक्वाटिक सेन्टरमा शुक्रबार तीन नेपाली पौडीवाजले प्रतिस्पर्धा गरेका थिए । गौरिका सिंह, टिसा शाक्य र शुभम श्रेष्ठ तीनै खेलाडी राष्ट्रिय कीर्तिमान बनाउनबाट चुके ।
पाथीभरा गोल्डकप फुटबल प्रतियोगितामा रेडहर्स इलामले विजयी सुरुवात गरेको छ । शुक्रबार भएको उद्घाटन खेलमा ताप्लेजुङको कञ्चनजंघा फुङलिङ क्लबलाई १–० गोल अन्तरले पराजित गर्दै इलाम अघिल्लो चरणमा प्रवेश गरेको हो ।
नेपालले एसिया कप छनोटको तयारीका क्रममा श्रीलंकामा दोस्रो अभ्यास खेलमा पनि जित हात पारेको छ । नेपालले ब्लुमफिल्ड क्रिकेट क्लबलाई डकवर्थ लुइस पद्धतिमा १ सय ७६ रनले पराजित गर्यो । नेपालले बुधबार पहिलो अभ्यास खेलमा आर्मी क्रिकेट टिमलाई ६७ रनले पराजित गरेको थियो ।
ब्याडमिन्टनमा नेपालले सात इभेन्टमा प्रतिस्पर्धा गर्दा दुई खेल जितेको छ । वुमेन्स सिंगल्समा नङसल तामाङले माल्दिभ्सकी अब्दुल रज्जाकलाई २१–१९, २१–१५ ले पराजित गर्दै अन्तिम १६ मा स्थान पक्का गरेकी छन् । नेपालकी पहिलो वरीयताकी नङसलले अब अकाने यामागुचीसँग प्रतिस्पर्धा गर्नेछन् ।
स्पेनी लिगमा व्यावसायिक फुटबल खेलिरहेका खेलाडीले शीर्ष श्रेणीको लिग संयुक्त राज्य अमेरिकामा खेलाउने योजना कार्यान्वयन भए हडतालमा उत्रन सक्ने संकेत दिएका छन् ।
एसियाली खेलकुदमा लगातार तेस्रोपल्ट नेपाली तेक्वान्दो पदकविहीन भएर फर्कने भएको छ । १८ औं संस्करण जारी रहँदा बिहीबार दुई नेपाली खेलाडीको खेलसँगै तेक्वान्दोको इन्डोनेसिया यात्रा सकिएको छ । एसियाली खेलकुदमा गौरवशाली इतिहास बनाएको तेक्वान्दोका खेलाडीले पछिल्ला तीन संस्करणमा पदक जित्न सकेनन् ।
नेपाली फुटबल टिमको सहायक प्रशिक्षकमा किरण श्रेष्ठ नियुक्त भएका छन् । बंगालादेशमा आयोजना हुने साफ फुटबल च्याम्पियनसिपका लागि एन्फाले उनलाई बिहीबार सहायक प्रशिक्षकमा नियुक्त गरेको हो ।
भारोत्तोलक कमलबहादुर अधिकारीले १८ आैं एसियाली खेलकुदमा राष्ट्रिय कीर्तिमान कायम गरेका छन् । जीआई एक्स्पोको हलमा बुधबार ६९ केजीमुनि प्रतिस्पर्धा गरेका कमलले स्न्याच र क्लिन एन्ड जर्कसहित कुलमा गरी तीन राष्ट्रिय कीर्तिमान बनाए ।
एसिया कप छनोटका तयारीका लागि श्रीलंकामा रहेको नेपालले पहिलो अभ्यास खेलमा सजिलो जित हात पारेको छ । नेपालले बुधबार आर्मी क्रिकेट टिमलाई ६७ रनले पराजित गर्यो ।