उनी अग्ला र हट्टाकट्टा देखिन्छन् । शरीर कसिलो र बलियो छ । साथीभाइको लहलहैमा लागेर ओठमाथि भर्खर जुंगाको रेखी बस्न सुरु नगर्दै प्रहरी जवानमा भर्ना हुन गए । सँगै गएका साथी फेल भए उनी छानिए ।
इलाम नगरपालिका ८ सिङफ्रिङकी उमादेवी भण्डारी यति बेला घरमा भेटिन्नन् । उनलाई जरुरी कामले भेट्नु नै पर्यो भने अलैंची बगान पुग्नुपर्छ । घरबारीभरि अलैंचीले ढकाएकी भण्डारी केही दिनयता हातमा छुरी बोकेर दिनभर अलैंची टिप्न व्यस्त हुन्छिन् ।
एक वर्षअघिसम्म ४० वर्षीय नकुल सहनीको पारिवारिक जीवन सामान्य ढंगले अघि बढिरहेको थियो । उनी र श्रीमती पार्वतीले दिनरात श्रम गरेर दुई छोरीलाई पाल्दै प्रगति पथमा अग्रसर थिए ।
झापाको मेचीनगर २ का वडाध्यक्ष तिलक न्यौपाने सधैं मदिराले लठ्ठ हुन्छन् । मदिरा पिएर कार्यालय पुग्छन् । मातेर कुर्सीमै निदाइदिन्छन् । उनको यो व्यवहारले सेवाग्राहीले सधैं सास्ती व्यहोर्नु परेको छ । काम प्रभावित भएको छ ।
मकालु गाउँपालिकामा निर्माणाधीन बहुचर्चित अरुण–३, जलविद्युत् परियोजनाको बाँध निर्माण स्थल (ड्याम साइट) का १४ घर जोखिममा परेका छन् । उनीहरूलाई सुरक्षित स्थानमा सार्न सुरक्षित स्थान खोजी भइरहेको प्रशासनले जनाएको छ ।
केन्द्र सरकार अधिनका अधिकांश जिल्ला कार्यालयहरू गत साउन १ गते खारेज भए । जसका कारण प्राय: कार्यालयहरू स्थानीय सरकार मातहतमा गइसकेका छन् । तर, रोचक के भने खारेजीमा परेका दुई वटा सरकारी कार्यालयमा भने धमाधम नयाँ भवन निर्माण भइरहेको छ ।
चौतर्फी आलोचना भएपछि स्थानीय तहहरूले अहिले कर संशोधन तथा छुट दिने निर्णय गर्न थालेका छन् । सामान्य सेवा लिन पनि स्थानीय तहहरूमा कर तिर्नुपर्ने व्यवस्था गरेपछि त्यसको चौतर्फी विरोध भएको थियो ।
धनकुटा नगरपालिका १ ओक्मालुङ्गकी शारदा मल्ल हिले बजारको पेटीमा बिक्री गर्न राखिएको काठको ठेकी नियालिरहेकी थिइन् । ‘काठको ठेकीमा दूध जमाएको दहीमही खानुको मजा नै अर्कै,’ उनले भनिन्, ‘प्लास्टिकका भाँडाले हैरान भाको थियो, अब मुक्ति पाइयो ।’
दशकअघि छथर गाउँपालिका केन्द्र शुक्रबारे बजारमा निर्माण गरिएको सार्वजनिक शौचालय प्रयोग नहुँदै भत्किने अवस्थामा पुगेको छ । निर्माण सम्पन्न भएको लामो समयसम्म पनि प्रयोगमा नआउँदा शौचालय भत्किने अवस्थामा पुगेको हो ।
बाह्रै महिना सुक्खा हुने खाँदबारी–९ तुम्लिङटारमा अरुण नदीको पानी ल्याइएको छ । सौर्य ऊर्जा प्रयोग गरी नदीबाट दैनिक ५० हजार लिटर पानी तान्न थालिएको हो । पानी तान्न सामान्य प्रकाशबाट पनि बढी ऊर्जा निकाल्ने ‘भेरिएबल फ्रिक्वेन्सी ड्राइभ’ प्रविधि प्रयोग गरिएको छ ।
