गर्मी र हावाहुरीको मौसमसँगै जिल्लामा आगलागीका घटना बढे पनि सरोकारवाला निकायले नियन्त्रणको पर्याप्त तयारी गरेका छैनन् । विभिन्न नगरपालिकासँग दमकल रहे पनि जनशक्ति र आवश्यक उपकरण अभावमा चलाउन सकिएको छैन ।
प्रशासनले मापदण्डविपरीत सञ्चालनमा रहेका बालुवा धुने उद्योग (फिरफिरे) बन्द गराएको छ । प्रजिअसहितको टोलीले बुधबार बेलकोटगढी नगरपालिका र बिहीबार विदुर नगरपालिका क्षेत्रमा अनुगमन गरी अवैध फिरफिरे सञ्चालनमा रोक लगाएको हो ।
कैलालीको गोदावरी नगरपालिकाकी उपप्रमुख रत्ना कडायतले हालसम्म २३ वटा उजुरीमाथि सुनुवाइ गरिन् । २२ वटामा झगडिया पक्षबीच मिलापत्र गराएकी उनी एउटा मुद्दा भने कानुनी कारबाहीका लागि अघि बढाउने तर्खरमा छिन् ।
