एनएसजेएफ पल्सर स्पोर्ट्स अवार्ड २०७४ को मनोनयनमा युवा क्रिकेटर सन्दीप लामिछाने र उनको टोलीले वर्चस्व जमाएको छ । नेपाल खेलकुद पत्रकार मञ्च (एनएसजेएफ) ले वार्षिक आयोजना गर्ने स्पोर्ट्स अवार्डमा वर्षका उत्कृष्ट खेलाडी, युवा खेलाडी र उत्कृष्ट प्रशिक्षकको मनोनयनमा क्रिकेटको आधिपत्य रह्यो ।
नेपाली फुटबलसँग जति नजिक छन्, उनीहरूमध्ये सबै नयाँ पुस्ताका लागि मणि शाह ‘मणिदाइ’ हुन् । पछिल्लोपल्ट उनी सार्वजनिक रूपमा देखा परेका थिए, सानेपास्थित हेरिटेज गार्डेनमा भएको एन्फा निर्वाचनमा ।
थ्रीस्टार क्लबले पाँचौं रमपम उदयपुर गोल्डकप फुटबलमा मोरङ–११ लाई ४–१ ले हराउँदै सेमिफाइनल सुरक्षित गरेको छ । सदरमुकाम गाईघाटस्थित थारुहट रंगशालमा सोमबार थ्रीस्टारलाई जिताउँदा अजायी मार्टिनले दुई गोल गरेका थिए ।
सभामुख कप राष्ट्रिय महिला तथा पुरुष भलिबल प्रतियोगिताको सेमिफाइनल समीकरण पूरा भएको छ ।दुवैतर्फ तीनै विभागीय टोली (त्रिभुवन आर्मी, नेपाल पुलिस र एपीएफ क्लब) सहित प्रदेश ४ र प्रदेश ५ सेमिफाइनल पुगेका छन् । प्रदेश ४ महिला र ५ पुरुषतर्फ अन्तिम चार पुगेका हुन् ।
‘मेरा लागि यो भन्दा ठूलो अवसर अरू हुनै सक्दैन,’ इन्डियन प्रिमियर लिग (आईपीएल) मा आबद्ध पहिलो नेपाली खेलाडी सन्दीप लामिछानेले आफ्नो ‘डेब्यु’ खेलपछि दिएको प्रतिक्रिया हो यो ।
पल्सर स्पोर्ट्स अवार्ड २०७४ मा घोराही सिमेन्ट इन्डस्ट्रीको उत्पादन सगरमाथा सिमेन्ट पनि जोडिएको छ । आयोजक नेपाल खेलकुद पत्रकार मञ्चले अवार्डका लागि घोराही सिमेन्टसँग सहप्रायोजन सम्झौता आइतबार गर्यो ।
लिभरपुल फरवार्ड मोहमद सलाहको सुरुआती गोलसँगै इंग्लिस प्रिमियर लिगअन्तर्गत आइतबार लिभरपुलले ब्राइटनलाई ४–० ले पराजित गर्न सफल भएसँगै अर्को सिजन च्याम्पियन्स लिग खेल्ने पक्का भएको छ ।
मनाङ मस्र्याङ्दी क्लब पाँचौं उदययपुर गोल्डकप प्रतियोगिताको सेमिफाइनलमा प्रवेश गरेको छ । आइतबार घरेलु टोली उदयपुर–११ लाई १–० ले पराजित गर्दै मनाङले सेमिफाइल यात्रा तय गरेको हो ।
युभेन्ट्सले आइतबार राति लगातार सातौं पल्ट इटालीको सिरी ए उपाधि जितेको छ । यसले दश खेलाडीमा सीमित रोमालाई गोलरहित बराबरीमा रोकेपछि यो उपलब्धी हात पारेको हो ।
स्पेनिस ला लिगा अन्तर्गत आइतबार लेभान्तेसँग ५–४ को हारसँगै बार्सिलोनाको अपराजित यात्रा टुंगिएको छ । लिगको इतिहासमा अपराजित रहँदै उपाधि नजिक पुगेको बार्सिलोना सफल हुन सकेन ।