जलवायु परिवर्तनसम्बन्धी राष्ट्रसंघीय महासन्धि (यूएनएफसीसीसी)का पक्ष मुलुकहरुको बैठकमा भाग लिइरहेका वातावरण मन्त्रालयका सचिव डा.विश्वनाथ ओलीको सरुवाले नेपालको प्रतिनिधित्व प्रभावित बनेको छ ।
‘निर्वाचन लोकतन्त्रको आत्मा हो र यो भ्रष्ट भयो भने राज्यको सबै तहमा भ्रष्टिकरण हुन्छ,’ पूर्व निर्वाचन आयुक्त निलकण्ठ उप्रेती भन्छन्, ‘दुर्भाग्यवस हामीकहाँ चुनाव निकै महंगो हुँदै गइरहेको छ ।
हाल बजारमा तरकारीमा अस्वभाविक मूल्य वृद्धि भएको देखिएको छ । स्थानीय किसानसंग खरिद गरेर शहरमा ग्राहकको भान्छासम्म पुर्याउने मूल्य बिचौलियाले नै तोक्ने कारणले नै तरकारीमा अस्वाभाविक मूल्यवृद्धि भएको हो ।
वाम गठबन्धनका शीर्ष नेता केपी ओली र पुष्पकमल दाहालले चुनावलगत्तै देशमा कम्युनिस्ट शासन आउने दाबी गरेका छन् । गोरखा क्षेत्र नं. २ को पालुङटारमा एमाले र माओवादी केन्द्रसहितको वाम गठबन्धनले बुधबार गरेको चुनावी सभालाई सम्बोधन गर्दै नेकपा एमाले र माओवादी केन्द्रका अध्यक्षद्वयले यस्तो बताएका हुन् ।
प्रमुख निर्वाचन आयुक्त अयोधीप्रसाद यादवले निर्वाचनमा पैसाको चलखेल बढी नहोस् भन्नेतर्फ आयोगको चासो रहेको बताएका छन् । उनले त्यसमा आयोग एक्लैले नसक्ने भएकाले सरकार निकायहरु, नागरिक समाज र मिडियाको पनि प्रमुख भूमिका रहने बताए ।
वैदेशिक रोजगार विभागका महानिर्देशक विश्वराज पाण्डेलाई अख्तियार दुरुपयोग अनुसन्धान आयोगले पक्राउ गरेको छ । बुधबार बिहान भ्रष्टाचारमा संलग्न रहेको भन्दै छानविनको लागि उनलाई काठमाडौंबाट पक्राउ गरेको हो ।
वसन्तपुर दरबार क्षेत्रदेखि स्वयम्भू स्तूपा, ऐतिहासिक काष्ठमण्डप, जीवित देवी कुमारी, शोभा भगवती, संस्कृति र परम्पराले समृद्ध नेवारी बस्ती सबै हिसाबले सम्पन्न छ— काठमाडौंको ८ नम्बर क्षेत्र ।
कम चर्चामा आउने, सञ्चारमाध्यममा कम छाउने कांग्रेस नेता एवं पूर्वमन्त्री महेश आचार्यले आफूले चाहेजस्तो काम गर्न नसकेको मतदातासमक्ष बताइरहेका छन् । यो उनको स्वीकारोक्ति हो । मोरङ ४ मा कांग्रेसका तर्फबाट प्रतिनिधिसभामा उम्मेदवार भएका आचार्यले बाँकी विकासका काम गर्न निर्वाचनमा होमिएको बताए ।
संसदीय निर्वाचनमा दोलखामा असफल हुँदै आएको कांग्रेसले पटकपटक वामपन्थीलाई जिताएकैले विकासमा पछि परेको आरोप लगाउँदै यही विषयलाई चुनावी प्रचार बनाइरहेको छ ।
एमाले संसदीय दलका पूर्वप्रमुख सचेतक भानुभक्त ढकाल र कांग्रेस उम्मेदवार मेडिकल कलेज सञ्चालक सुनील शर्मा आमनेसामने हुँदा मोरङ ३ को चुनावी माहोल रोचक बन्दै छ ।
संघीय संरचनाअनुसार प्रदेशसभाको निर्वाचन नजिकिएसँगै आफ्नो क्षेत्रका प्रदेश राजधानी कहाँ तोकिएला भन्ने चासो मतदातामा बढेको छ । राजनीतिक दलका स्थानीय नेताहरु आफ्नो राजनीतिक क्षेत्र र पायकका सहरलाई राजधानी बनाउने लबिइङ गरिरहेका छन् भने कतिपय उम्मेदवारले त यसलाई चुनावी मुद्दामै राखेर मत मागिरहेका छन् ।
भूगोल हेर्ने हो भने प्रदेश २ का ८ जिल्लाको केन्द्रमा सर्लाही र महोत्तरीको सीमाभाग पर्छ । पूर्वमा सप्तरी र पश्चिममा पर्साबाट आउजाउ गर्न बीचमा पर्ने इलाका पनि यही हो । त्यसैले सर्लाहीका बासिन्दा संघर्ष समिति नै बनाएर जिल्लालाई प्रदेश २ को राजधानी बनाउने दबाबमा उत्रिएका छन् ।
सुरक्षा निकायले प्रदेश ३ का १० जिल्लामा २ सय ४७ मतदानस्थललाई अति संवेदनशील सूचीमा राखेको छ । प्रदेश ३ का प्रहरी प्रमुख अतिरिक्त महानिरीक्षक केशरीराज घिमिरेले भौगोलिक विकटता, विगतमा भएको चुनावी झडप र माओवादीको विप्लव समूहको हिंसात्मक गतिविधिका कारण ती मतदानस्थललाई अति संवेदनशील सूचीमा राखिएको जानकारी दिए ।
तनहुँको तुरतुरेबाट पूर्व मस्र्याङ्दी तरेपछि पालुङटार फाँट आउँछ । यो क्षेत्र प्रवेश गर्नेबित्तिकै जसरी भूगोल परिवर्तन हुन्छ, त्यसरी नै चुनावी दृश्य पनि बदलिन्छ । प्रत्येक घरमा फ्लेक्स प्रिन्टसहितका ब्यानर राखिएका छन् । बिजुलीका पोल र रूखका हांँगामा छपक्कै सूर्य र गोलाकारभित्र हँसिया–हथौडा, आंँखा र रूख चिह्न अंकित झन्डा फहराइरहेका छन् । ओहोरदोहोर गर्ने गाडीबाट चुनावी गीत गुन्जिन्छन् । ठूला रूखका छहारी र बिसौनीमा सर्वसाधारणको झुरुप्प जमघट भेटिन्छ । ती जमघटहरूमा दुई पात्रको चर्चा सुनिन्छ– पूर्वप्रधानमन्त्री बाबुराम भट्टराई र पूर्वउपप्रधानमन्त्री नारायणकाजी श्रेष्ठ ।
निर्माण व्यवसायी महासंघका अध्यक्ष शरदकुमार गौचनको गोली हानी हत्या गर्ने गिरोहका मुख्य सुटरसहित ५ जनालाई प्रहरीले ३७ दिनपछि पक्राउ गरी सार्वजनिक गरेको छ । असोज २३ गते शान्तिनगरस्थित घरबाट निस्केका गौचनलाई दिउँसो पौने ३ बजे मोटरसाइकलमा आएका दुई युवाले गाडीभित्रै गोली हानेका थिए । आपराधिक समूहले सबै निर्माण व्यवसायीबाट फिरौती रकम उठाएर आफूलाई बुझाउन दिएको धम्कीयुक्त आदेश नमानेपछि उनीमाथि गोली प्रहार भएको प्रहरीले निष्कर्ष निकालेको छ ।