समाचार
भाद्र ११, २०७५

बिमस्टेक सम्मेलनः परराष्ट्र सचिवस्तरीय बैठक सुरु

बहुपक्षीय प्राविधिक तथा आर्थिक सहयोगका लागि बंगाल(खाडीको प्रयास (बिमस्टेक) को परराष्ट्र सचिवस्तरीय बैठक काठमाडौंमा सुरु भएकाे छ । भदौ १४ र १५ मा हुने चौथो शिखर सम्मेलनमा छलफल हुने विषय र त्यसका बुँदा तय गर्न सदस्य मुलुकका परराष्ट्र सचिवको बैठक बसेकाे हाे ।

राष्ट्रिय सभाका चारै समितिमा नेकपाको दाबी

सत्तारूढ दल नेकपाले राष्ट्रिय सभाका चारवटै संसदीय समितिको नेतृत्व आफैंले लिने तयारी गरेको छ । प्रमुख प्रतिपक्षी कांग्रेसले संघीय संसदका १६ मध्ये एक चौथाइ समितिको नेतृत्व दाबी गरे पनि नेकपा त्यसमा अनुदार देखिएको छ । 

कक्षा ११ र १२ को वार्षिक कार्यतालिका

राष्ट्रिय परीक्षा बोर्डले कक्षा ११ र १२ को भर्नादेखि परीक्षा र नतिजा प्रकाशनसम्मको वार्षिक कार्यतालिका बनाएको छ । बोर्डले पहिलोपटक भर्नादेखि परीक्षाफल सार्वजनिक गर्ने बेलासम्मको कार्यतालिका तय गरेको हो । 

मेयर/उपमेयरलाई कांग्रेसको निर्देशनः ‘जथाभावी कर नउठाऊ’

प्रमुख प्रतिपक्षी कांग्रेसले केन्द्रीय सरकारले नै करको दर अत्यधिक वृद्धि गरेको भन्दै तत्काल घटाउन माग गरेको छ । पार्टीको केन्द्रीय नीति तथा प्रशिक्षण प्रतिष्ठानले सोमबार आयोजना गरेको कार्यक्रममा नेताहरूले आफ्नो पार्टीबाट निर्वाचित मेयर र उपमेयरलाई जथाभावी कर नतोक्न र नअसुल्न निर्देशनसमेत दिएका छन् ।

कर नबढाउन राजपाको निर्देशन

राष्ट्रिय जनता पार्टी (राजपा) ले आफ्नो पार्टीबाट निर्वाचित स्थानीय तहका प्रमुख/उपप्रमुखलाई कुनै पनि बहानामा कर नबढाउन निर्देशन दिएको छ ।

ADVERTISEMENT

शुक्रबारदेखि खसेको पहिरो रोकिएन, आज पनि  पृथ्वीराजमार्ग अवरुद्ध 

गत शुक्रबारदेखि निरन्तर गएको पहिरोले सोमबार साँझ पनि पृथ्वीराजमार्ग पूर्ण रुपमा अवरुद्ध भएको छ । गल्छी गाउँपालिका–७ को उकालो मोडमा रातो र चिप्लो बगेपछि यातायात ठप्प भएको हो । 

बिमस्टेक सम्मेलनः सुरक्षा नेतृत्व सेनाले गर्ने

बिमस्टेक सम्मेलनको सुरक्षा नेतृत्व सेनाले लिने भएको छ । सरकारले सेना, प्रहरी र सशस्त्र प्रहरी सम्मिलित एकीकृत सुरक्षा प्रणाली निर्माण गरी त्यसको नेतृत्व सेनालाई दिएको हो ।

किशोरी हत्या प्रकरणः प्रहरी अनुसन्धान सूचना संकलनमै

कञ्चनपुरको भीमदत्त नगरपालिका २ उल्टाखामकी १३ वर्षीया निर्मला पन्तको बलात्कारपछि हत्या घटनामा शंकाको घेरामा रहेका बम दिदीबहिनीमाथि थप अनुसन्धानका लागि अदालतबाट ६ दिनको म्याद थप भएको छ । गत शुक्रबार पक्राउ परेका रोशनी र वविता बमको सोमबार म्याद थप गरिएको हो ।

कांग्रेस टोली महेन्द्रनगरमा

निर्मला हत्या प्रकरणको स्थलगत वस्तुस्थिति बुझ्न कांग्रेस केन्द्रीय समिति टोलील महेन्द्रनगर आएर स्थलगत अध्ययन गरेको छ । प्रहरी अनुसन्धान क्रममा निर्दोष व्यक्तिलाई दोषी देखाएपछि आन्दोलन चर्केको टोलीको दाबी छ । आन्दोलनमा राजनीति भयो भन्ने अभिव्यक्तिसँगै उत्तेजित भएको उसको ठहर गरेको छ ।

माइतीघरमा कुची र क्यान्डल !

बलात्कार पछि हत्या गरिएकी कञ्चनपुरकी १३ वर्षीया किशोरी निर्मला पन्तको आत्माको चीर शान्तिको कामना र दोषीलाई कडाभन्दा कडा कारबाहीको माग गर्दै सोमबार माइतीघरमा प्रदर्शन गरिएको छ ।

ADVERTISEMENT

बोक्सी आरोपमा क्रूर यातना खेपेकी राधासँग किन बोल्दैनन् गाउँले ?

बोक्सी आरोपमा क्रूर यातना खेपेकी राधा चौधरी गाउँमा पुनस्र्थापना त भइन्, तर उनीप्रति गाउँलेको दृष्टि अझै सकारात्मक हुन सकेको छैन । गाउँले अहिले पनि उनलाई देखेपछि टाढिन्छन् ।  ‘मेरो गाउँवासी अहिले पनि मलाई देखेपछि टाढिएर हिंड्छन्,’ राधाले भनिन्, ‘विद्यालयमा पनि मेरो गाउँका कोही साथी मसँग बोल्दैनन् ।’

मृत्यु भएका आफन्तलाई क्षतिपूर्ति र रोजगारी दिने सहमतिपछि ओखरपौवा शान्त 

ककनी गाउँपालिका-१ महालक्ष्मीस्थानमा गाडीको ठक्करले एक स्थानीयको मृत्यु भएको नौ घण्टापछि आन्दोलित स्थानीयबासी र सरोकारवाला निकायबीच दुई बुँदे सहमति  भएको छ । सहमतिसँगै आन्दोलन मथ्थर भएको छ ।  

कालिकोटको मोल्फोमा पहिरो, दुई घर भत्किए, एक सय ८ घर प्रभावित

गए रातिदेखिको अविरल वर्षाले कालिकोटको खाँडाचक्र नगरपालिका वडा नं ५ साविकको दाहा गाविसको वडा नं ३ मा पर्ने मोल्फामा भीषण पहिरो गएको छ । पहिरो मोल्फा बजारको माथि घोडेना गाउँबाट फुटेको हो । पहिरोले स्थानीयका दुई घर पुरेको छ भने एक सय ८ घर प्रभावित भएका छन् । 

निर्णय बदरको माग गर्दै असन्तुष्ट पक्ष काठमाडौंमा

नेकपाको जिल्ला अध्यक्षमा पीताम्बर भुसालको नाम सिफारिस भएपछि पूर्वएमालेभित्र विवाद चुलिएको छ । भुसालको समर्थन र विरोधमा नेता/कार्यकर्ता दुई समूहमा विभाजित भएका छन् ।

बिमस्टेक  सुरक्षा पूर्वअभ्यास

बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिमस्टेक) सम्मेलनमा नेपाल आउने पाहुनालाई आवश्यक सुरक्षासहित आवास स्थलसम्म पुर्‍याउन सोमबार पूर्वअभ्यास गरिएको छ । 

ADVERTISEMENT
ADVERTISEMENT

९ महिने बालिकाको अपहरणपछि हत्या

औरही नगरपालिकामा एक दुधे बालिकाको अपहरणपछि हत्या भएको छ । नगरपालिकाको वडा नं १ स्थित औरही बजारका किराना पसलका सञ्चालक सन्तोष चौधरीकी ९ महिने छोरी सोनालिकाको हत्या भएको हो । 

किशोरी हत्या प्रकरण : साँझ ६ बजेसम्म कर्फ्यू हटाइयो 

१३ वर्षीया किशोरी निर्मला पन्तको बलात्कारपछि हत्या भएको घटना अनुसन्धानको माग गर्दै चर्केको आन्दोलन पश्चात् स्थानीय प्रशासनले महेन्द्रनगर बजार क्षेत्रमा लगाउदै आएको कर्फ्यू सोमबार साँझ ६ बजेसम्मका लागि हटाइएको छ । 

स्थानीय तहमा कर बारे कांग्रेसले जनप्रतिनिधिलाई प्रशिक्षण दि‌ंदै

स्थानीय तहमा अब्यवस्थित ढंगले कर उठाएको गुनासो बढेपछि प्रमुख प्रतिपक्षी कांग्रेसले आफ्नो दलबाट स्थानीय तहमा प्रतिनिधित्व गरिरहेका जनप्रतिनिधिको भेला बोलाएर प्रशिक्षण र अन्तरक्रिया आयोजना गरेको छ ।   

छोरी जोगाउनै मुस्किल

रुपन्देहीको कञ्चन गाउँपालिकास्थित मामाघर आएकी ७ वर्षीया ४ दिनअघि बलात्कारमा परिन् । जबरजस्ती करणी आरोपमा उनका मामाका साथी विकल पुन पक्राउ परेका छन् ।

विद्यालयको नयाँ पाठ्यक्रम स्वीकृत

अब प्रारम्भिक बालकक्षादेखि १२ सम्म नयाँ पाठ्यक्रम लागू हुने भएको छ । पाठ्यक्रम विकास तथा मूल्यांकन परिषद्ले विद्यालय शिक्षाको पाठ्यक्रम संरचना २०७५ स्वीकृत गरेको हो ।

परिचयपत्रकै भारी

गृह मन्त्रालयले गत भदौ १९ को निर्णय कार्यान्वयन गरेको भए यतिबेला सिंहदरबारभित्रका कर्मचारी र पाँचथरवासीका हातमा राष्ट्रिय परिचयपत्र भइसक्थ्यो । तर एक वर्ष बित्दा न सिंहदरबारका कर्मचारीले परिचयपत्र पाए न त पाँचथरवासीले ।

ठेक्का ओगट्दै, भाग्दै

सडक विभागको पुल महाशाखामा अहिले सबभन्दा धेरै आउने गुनासो हो, पुल समयमै बनेन । बनेका पुल पनि काम लाग्ने छैनन् । वर्षौंदेखि ठेक्का ओगटेर पुल नबनाउने प्रवृत्तिले सर्वसाधारण सास्ती खेप्न बाध्य छन् ।

पप्पु कन्स्ट्रक्सनको मनपरी: डुंगा दुर्घटना अलपत्र पुलले

लालबकैया नदीको टिकुलिया घाटमा डुंगा दुर्घटनापछि आइतबार बिहान घटनास्थलमा भेला भएका स्थानीय निकै आक्रोशित देखिन्थे । उनीहरू पुल निर्माण समयमै नसकिँदा यस्तो दुर्घटना बेहोर्नुपरेको भन्दै ठेकेदारलाई कारबाही माग गरिरहेका थिए ।

भारतीय सेनामा ४० वर्षअघिको एउटा 'झूटो' विद्रोह : न्याय खोज्दै गोर्खाहरु

करिब चालीस वर्षअघि सैनिक विद्रोहको ‘झूटो’ आरोपमा भारतीय सेनाबाट बर्खास्त गरिएका ४६ सैनिकका प्रतिनिधि बनेर केही वृद्ध राजधानी आइपुगेका छन् ।