तरकारी फलफूल थोक बजार व्यावसायिक संस्थाका महासचिव रामकृष्ण रिमालले उद्योग वाणिज्य तथा आपूर्ति मन्त्रालयलाई पत्र लेख्दै संषर्घका सबै कार्यक्रमहरु अन्त गरेको जनाएका छन् । अनुगमन कार्यमा सहयोग गरी बजारलाई व्यवस्थित रुपमा सञ्चालन गर्ने समेत विज्ञप्तिमा उल्लेख छ ।
गौर नगरपालीका ४ स्थित टिकुलिया घाटमा शनिबार साँझ लालबकैया नदीमा आएको बाढीले डुंगा बगाएको छ । डुंगामा ४० जनाभन्दा बढी सवार थिए । त्यसमध्ये १२ जना पौडिएर बाहिर आएका छन् । बाँकी बेपत्ता छन् । उनीहरुको अवस्था थाहा हुन सकेको छैन ।
सरकारले संविधानभन्दा बाहिर रहेका राजनीतिक दल तथा समूहहरूलाई शान्तिपूर्ण मूलधारमा ल्याउन पूर्वमन्त्री सोमप्रसाद पाण्डेको संयोजकत्वमा उच्चस्तरीय वार्ता टोली गठन गरेको छ ।
१३ वर्षीया किशोरीका बलात्कारपछि हत्या भएको घटनाको कञ्चनपुर प्रहरीले प्रारम्भिक चरणबाट अनुसन्धान सुरु गरेको छ । घटना भएका दिन किशोरी पढ्न गएको घरका बम दिदीबहिनी रोशनी र बबितालाई नियन्त्रणमा लिएर घटनाका सुरुबाट अनुसन्धान सुरु गरिएको जिल्ला प्रहरी कार्यालय कञ्चनपुरका एसपी कुवेर कडायतले बताए ।
कर्णाली प्रदेश सरकारले पनि मन्त्रिपरिषद् बैठक ‘पेपरलेस’ (कागजविहीन) गर्न सुरुआत गरेको छ । कर्णालीलाई डिजिटल प्रदेश निर्माण गर्ने उद्देश्यले शनिबारको मन्त्रिपरिषद् बैठकलाई ‘पेपरलेस’ गरिएको हो । मन्त्रिपरिषद्को पहिलो बैठकले डिजिटल प्रदेश निर्माण गर्ने निर्णय गरेको थियो ।
प्रधानमन्त्री केपी ओलीले कञ्चनपुर घटनाका दोषीलाई कारबाहीको दायरामा ल्याउन सरकारले कुनै कसर बाँकी नराख्ने बताएका छन् । घटनाका विषयमा प्रधानमन्त्री ओली र नेपाल कम्युनिष्ट पार्टीका अध्यक्ष पुष्पकमल दाहाललाई ध्यानाकर्षण गराउन बालुवाटार पुगेका नेकपाका तर्फबाट कैलाली र कञ्चनपुरका सांसद तथा नेकपाका केन्द्रीय सदस्यहरुसँग कुरा गर्दे ओलीले उक्त धारणा राखेका हुन् ।
अन्तत: कांग्रेस महासमिति बैठक दुई महिनापछि सरेको छ । कांग्रेस केन्द्रीय कार्यसमितिको आइतबारको बैठकले महासमिति बैठक मंसिर ५ देखि ९ गते काठमाडौंमा गर्ने निर्णय लिएको हो । यसअघि वैशाख १६ को केन्द्रीय कार्यसमितिको बैठकले नै भदौ महिनाभित्र महासमिति बैठक गर्ने निर्णय गरेको थियो ।
जिल्ला प्रशासन कार्यालयले किशोरी बलात्कार र हत्याको घटनालाई लिएर चर्किएको आन्दोलन शान्त बनाउने प्रयासस्वरुप सरोकारवाला पक्षसँग छलफल गरी ४ बुँदे सहमति गराएको छ ।
जिल्ला प्रशासन कार्यालय कञ्चनपुरले भीमदत्त नगरपालिकाको ४ र १८ नम्बर वडामा शुक्रबार रातिदेखि लगाएको कर्फ्यू शनिबार पनि कायमै छ । १३ वर्षीया किशोरीको बलात्कारपछि हत्या गर्नेको सहि पहिचान गरी कारबाही गर्न माग गर्दै गरिएको आन्दोलन एकाएक हिंसात्मक बनेपछि स्थानीय प्रशासनले शुक्रबार राति ८ बजेदेखि अनिश्चितकालीन कर्फ्यू जारी गरेको थियो ।
सडक विस्तार गर्दा मुआब्जा दिनु भनी सर्वोच्च अदालतले गरेको परमादेश पुनरावलोकन गर्न सरकारले माग गरेको छ । प्रधानमन्त्री तथा मन्त्रिपरिषद् कार्यालयले अदालतबाट तथ्यहीन विषयलाई आधार मानी आदेश जारी भएको तर्क गर्दै पुनरावलोकन मागसहित सर्वोच्चमा निवेदन दर्ता गरेको हो ।
देशका २ हजार ५ सय ५४ विद्यालयमा आधारभूत तह (कक्षा १–८) मा एक जना पनि स्थायी शिक्षक छैनन् । माध्यमिक तह (कक्षा ९–१०) पढाइ हुने ५ सय ४ विद्यालयमा शिक्षक दरबन्दी छैन । ३ हजार ५८ विद्यालयमा शिक्षक दरबन्दी शून्य छ ।
उनको घर र स्कुल त्रिशूली वारिपारि छ । सजिलै नदी तर्न ४५ मिनेट हिँडेपछि मात्रै झोलुंगे पुल भेटिन्छ । जोखिम मोलेर तुइनबाट पारि तरे १० मिनेटमै स्कुल पुगिन्छ ।
प्रमुख प्रतिपक्षी कांग्रेसको कार्यसम्पादन समिति गठनमा भागबन्डा नमिल्दा शुक्रबार बोलाइएको केन्द्रीय कार्यसमिति बैठक बस्न सकेन । बैठक शनिबारका लागि सारिएको छ ।
उपप्रधान तथा स्वास्थ्यमन्त्री उपेन्द्र यादवलाई कालोझन्डा देखाउने चार जना शुक्रबार पक्राउ परेका छन् । प्रहरीले उनीहरूविरुद्ध राज्यविप्लव मुद्दा दायर गर्ने तयारी गरेको छ ।
विराटनगरको कोइराला निवासमा एउटा कालो रंगको कुर्सी छ । हेर्दा सामान्य लागे पनि यसले कोइराला परिवारको विरासत झल्काउँछ । यो कुर्सीमा लामो समय गिरिजाप्रसाद कोइराला बसे । उनको निधनपछि सुशील कोइराला यो कुर्सीमा बस्न थाले ।
विदेश जान लागेका तत्कालीन माओवादीका पूर्वबाल सैनिक लेनिन विष्टलाई सरकारले विमानस्थलबाट फिर्ता गरेको छ । माओवादी लडाकुको प्रमाणीकरणका क्रममा कम उमेरका कारण बहिर्गमनमा परेका विष्टलाई गृह मन्त्रालयको आदेशमा अध्यागमनले शुक्रबार बिहान विमानस्थलबाट फिर्ता गरेको हो ।
![लालबकैयामा डुंगा पल्टियो, ३५ बढी बेपत्ता, १२ जना पौडिएर बाँचे [अपडेट]](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2018/third-party/lal-bakaiya-2582018045641-1000x0.jpg&w=301&h=0)
