भारतका लागि राजदूत सिफारिस भएका पूर्वप्रमुख निर्वाचन आयुक्त नीलकण्ठ उप्रेती नेपालकै पहिलो सरकारी कम्प्युटर अपरेटरमात्र होइनन्, भारतीय थिंक ट्यांकसँग निकट रहेर काम गरेका व्यक्तिसमेत हुन् । तत्कालीन भारतीय राष्ट्रपति प्रणव मुखर्जीको नेपाल भ्रमण क्रममा उनले दिने स्पिचको कार्यक्रम संयोजनसमेत गरेका थिए । उनी भारतीय पक्षका केही थिंक ट्यांकले रुचाएका व्यक्ति हुन् ।
चिकित्सा शिक्षा सुधारको माग गर्दै १९ दिनदेखि अनशनमा रहेका डा. गोविन्द केसीको मुटुमा गम्भीर समस्या देखिएको छ । मंगलबार राति साढे १२ बजे र बिहान ४ बजे दुई पटक उनको ९ वटासम्म एक्टोपिक बिट्स (मुटुको धड्कनमा गड्बढी) देखिएको उपचारमा संलग्न चिकित्सकको भनाइ छ ।
दमक झापाका ९ वटा नदीमा स्थायी तटबन्ध निर्माण गर्ने सम्झौताअनुसार चिनियाँ प्राविधिक टोलीले अध्ययन थालेको छ । वर्षातमा सबैभन्दा बढी क्षति पुर्याउने ९ वटा नदी रोकथामको दीर्घकालीन योजनाका लागि चिनियाँ र नेपाली प्राविधिक टोलीले बुधबारदेखि अध्ययन थालेका हुन् ।
विश्वमै दुर्लभ मानिने पाटे बाघको संख्या सन् २०१३–१४ को भन्दा बढ्ने देखिएको छ । सन् २०१३–१४ को गणनाअनुसार पर्सादेखि शुक्लाफाँटासम्मका निकुञ्जमा १ सय ९८ वयस्क बाघ थिए ।
उच्च अदालत तुलसीपुरले आर्थिक वर्ष ०७४/७५ मा ७६ दशमलव ५९ प्रतिशत मुद्दा फर्स्योट गरेको छ । छिटो न्यायका लागि विभिन्न प्रयास थालेको र एक वर्षमा उल्लेख्य प्रगति गरेको अदालतले जनाएको छ ।
सरकारले गंगामाया अधिकारीलाई अनशन तोडाउँदा गरेको प्रतिबद्धता कार्यन्वयन भए/नभएको सम्बन्धमा अनुगमन गर्न एक समिति गठन गरेको छ । समितिमा गृहमन्त्रालयका उपसचिव वशिष्टकुमार घिमिरे र गंगामायाका तर्फबाट कनकमणि दीक्षित, चरण प्रसाईं, सुबोध प्याकुरेल, बाबुराम गिरी र रामआशिष कार्की रहेको कानून, न्याय तथा संसदीय मामिला प्रवक्ता रमेश ढकालले जानकारी गराए ।
महोत्तरीको एकडारा गाउँपालिका–३ अजमरपट्टिमा मंगलबार राति प्रहरी र गाँजा तस्करबीच भिडन्त भएको छ । भिडन्तमा प्रहरीले १३ राउण्ड हवाई फायर गरेको जिल्ला प्रहरी कार्यालय महोत्तरीका प्रहरी नायब उपरीक्षक खगेन्द्रबहादुर खड्काले बताए ।
नेकपाका अध्यक्षद्वय केपी ओली र पुष्पकमल दाहाललाई मार्सी चामलको भात खुवाएको तस्बिर सामाजिक सञ्जालमा ‘भाइरल’ भएसँगै एउटा नाम निकै चर्चामा आयो– दुर्गा प्रसाईं । उनी झापाको बिर्तामोडस्थित प्रस्तावित बीएन्डसी मेडिकल कलेजका कार्यकारी निर्देशक हुन् ।
साउदी अरबमा ३८ नेपाली अलपत्र परेका छन् । सम्झौता अनुसारको तलब नपाउँदा अलपत्र परेका हुन् । उनीहरु ०७४ फागुन १ मा साउदी पुगेका थिए । ९ सय रियलमात्र तलब पाएपछि एक दिन ड्यूटी इन्कार गरेका नेपालीलाई कम्पनीले सडकमा निकालिदिएको हो ।
सरकारले मुलुकमा सौर्य ऊर्जा उत्पादन तथा व्यवस्थापन परियोजनाका लागि डोल्मा फण्ड म्यानेजमेण्टलाई २० करोड अमेरिकी डलर बराबरको वैदेशिक लगानी स्वीकृत गर्ने निर्णय गरेको छ ।
जिल्लाका प्रत्येक स्थानीय तहमा विपद् व्यवस्थापन समिति गठन गर्नुपर्ने कानुनी प्रावधान छ । समितिसँगै विपद् व्यवस्थापन कोष र विपद् व्यवस्थापनका लागि स्वयंसेवक गठन गर्नुपर्ने हुन्छ ।
सिस्ने गाउँपालिका–५, धार्पानीमा भएको जिप दुर्घटनामा मृत्यु हुनेको संख्या ७ पुगेको छ । सिस्ने गाउँपालिकाको रुकुमकोटबाट धौलापैरा भन्ने ठाउँमा जाँदै गरेको लु १ ज २५७३ नम्बरको जिप बुधबार दिउँसो करिब २ बजे धार्पानीमा दुर्घटना हुँदा घटनास्थलमै ४ जना र उपचारको क्रममा ३ जनाको मृत्यु भएको हो ।
नेपाल चिकित्सक संघले बिहीबार देशभरको सरकारी तथा निजी अस्पतालका साथै नर्सिङ होम र क्लिनिकहरुका आकस्मिकबाहेक सबै स्वास्थ्य सेवा बन्द गर्ने निर्णय गरेको छ ।
डा. गोविन्द केसीले सरकारसँग भईरहेको वार्तालाई तार्किक निश्कर्षमा पुर्याउन तुरन्त चिकित्सा शिक्षा विधेयक फिर्ता गरेर पूर्ण म्यान्डेटसहितको वार्ता टोली पठाउन आग्रह गरेका छन् ।
पहिरोको कारण नलगाड नगरपालिका ८, कायखेतका १० घर परिवार विस्थापित भएका छन् । गत असार २७ गतेयता लगातारको वर्षापछि खसेको पहिरोले उक्त गाउँका बासिन्दा विस्थापित भएका हुन् ।
नेपाल प्रज्ञा प्रतिष्ठानले आफ्ना प्रकाशन छाप्न किनेको अत्याधुनिक प्रेस आफूले सञ्चालनमै नल्याई निजी कम्पनीलाई भाडामा दिएको छ । प्रतिष्ठानले पुरानो श्यामश्वेत प्रेस बारम्बार बिग्रिइरहने, कमजोर क्षमताको भएको र नियमित प्रकाशन छाप्न अप्ठ्यारो भएको भन्दै अर्थ मन्त्रालयसँग ११ करोड रुपैयाँ मागेको थियो ।
जलजला गाउँपालिका ८ बरेनेटामा गएराती पहिरोमा पुरिएर एक किशोरको मृत्यु भएको छ । राती करिब १ बजे घरमाथिबाट खसेको पहिरोमा पुरिएर १६ वर्षीय विकास परियारको ज्यान गएको हो । छन् ।
मंगलबार दिउँसोदेखि परेको अविरल वर्षाका कारण ढोरपाटन नगरपालिकाको बुर्तिवाङ बजारमा पहिरो गएको छ । बजारदेखि माथिल्लो भागबाट खसेका पहिरो र बाढीले बजारका धेरै छाप्रा पुरिएका छन् । दर्जन पक्की घरमा समेत क्षति पुगेको छ ।
पछिल्लो ६ दिनदेखि हनुमाननगर कंकालिनी नगरपालिका–१३, गोबरगाढामा कोसी नदी पसेको छ । त्यहाँ ४० परिवारका २ सय ५० जना त्रासमा बाँचिरहेका छन् । नदी पार गर्न सक्नेहरू सुरक्षित स्थानतिर लागिसकेका छन् ।
मुलुक संघीय संरचनामा गएको तीन वर्ष पुग्न लाग्दा पनि कांग्रेसले प्रदेश समिति बनाउन सकेको छैन । पार्टीभित्रका गुटहरूको टकरावका कारण नेतृत्वले विधानबमोजिम समिति बनाउन नसकेको हो । विधानको दफा १२ मा ‘नयाँ संविधान घोषणा भएपछि संविधानले व्यवस्था गरेका प्रदेशभित्र रहेका महाधिवेशन प्रतिनिधिको प्रदेश अधिवेशन हुने’ व्यवस्था छ ।
श्रममन्त्री गोकर्ण विष्टले स्विट्जरल्यान्डको जेनेभामा केहीअघि गरेको अंग्रेजी भाषणलाई लिएर सामाजिक सञ्जालहरूमा उल्लीबिल्ली भयो । राष्ट्रको प्रतिनिधित्व हुने औपचारिक समारोहमा नेपालीमै सम्बोधन गर्न भाषा आयोगले एक वर्षअघि दिएको सिफारिस कार्यान्वयन गरेको भए यो स्थिति नै आउने थिएन ।
मुलुक संघीय संरचनामा गएसँगै अस्थायी कर्मचारी घटाउने नीतिअनुसार सरकारले उनीहरूलाई साउन १ देखि कार्यालय नआउन भनेको थियो । तर जब हाजिर गर्न नपाएका हजारौं कर्मचारी बहालीको माग राख्दै आन्दोलनमा उत्रिए, सरकारको निर्णय एक दिन पनि कार्यान्वयन हुन पाएन ।
नेकपाले महाधिवेशन प्रतिनिधि बन्न निर्वाचित हुनैपर्ने व्यवस्थासहितको विधान तयार गरेको छ ।अध्यक्ष केपी ओली र पुष्पकमल दाहालसहित पदाधिकारीदेखि सबै तहका नेताहरू निर्वाचनमा भाग लिन तल्लो कमिटीबाट निर्वाचित हुनुपर्नेछ ।
जुम्लामा १८ दिनदेखि अनशनरत डा. गोविन्द केसीका मागबारे मंगलबार पनि औपचारिक वार्ता हुन सकेन । सरकारी टोलीले पहिला डा.केसीलाई काठमाडौं ल्याउनुपर्ने अडान राखेपछि मागमा छलफलै हुन नसकेको डा. केसीका प्रतिनिधिले बताए । सोमबार र मंगलबारको अनौपचारिक वार्तापछि सरकार पेलेर अघि बढ्ने रणनीतिमा रहेको उनीहरूको निष्कर्ष छ ।
त्रिभुवन विश्वविद्यालयले आफूअन्तर्गतका चार अनुसन्धान केन्द्रलाई आफैं बजेट जुटाउन निर्देशन दिएको छ । त्रिविमातहत नेपाल तथा एसियाली अध्ययन केन्द्र (सिनास), शिक्षा विकास तथा अनुसन्धान केन्द्र (सेरिड), व्यावहारिक विज्ञान तथा प्रविधि अनुसन्धान केन्द्र (रिकास्ट) र आर्थिक विकास तथा प्रशासन अनुसन्धान केन्द्र (सेडा) छन् ।
१६.१२°C काठमाडौं
![मानव अधिकार हननका ३३ पीडित परिवारले क्षतिपूर्ति पाउने [नामावलीसहित]](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2018/third-party/human-righta-24102017082019-1000x0-1872018023325-1000x0.jpg&w=301&h=0)
![[अपडेट] जिप दुर्घटनामा मृत्यु हुनेको संख्या ७ पुग्यो , सबैको सनाखत](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2018/miscellaneous/rukum-2-1872018114500-1000x0.jpg&w=301&h=0)
