मुलुककै ठूलो महानगर पोखरा–लेखनाथले जनप्रतिनिधिको नेतृत्व पाएको सात महिनामा एक प्रतिशत मात्रै खर्च गरेको छ । सडक मर्मत, कल्भर्ट, स्ल्याब, ह्युमपाइप र तारजाली लगाउनमै स्रोत र जनशक्ति बढी परिचालन भएको छ ।
राष्ट्रिय सभा गठन सम्बन्धि अध्यादेशको विवाद ‘लचक’ भएर समाधान गर्नुपर्ने भन्दै माओवादी केन्द्रले गठबन्धनको सहत्रायी दल एमालेमाथि दबाब बढाएको छ ।अध्यादेश रोकेर राख्दा राष्ट्रपति पनि अप्ठेरोमा पर्न थालेको र निर्वाचन परिणाम घोषणादेखि नयाँ सरकार गठन प्रक्रियामा समेत विलम्ब हुन थालेको उल्लेख गर्दै छिटो टुंग्याउनेतर्फ लाग्नुपर्ने माओवादीको धारणा छ ।
ठूलो परिमाणको सुन तस्करीका अधिकांश घटनामा मुछिएका प्रतिवादीहरू अदालतबाट सामान्य धरौटीमै छुटेका छन् । प्रहरीले संगठित अपराध निवारण ऐन २०७० अन्तर्गत मुद्दा दायर गरे पनि अदालती प्रक्रियाबाट केही लाख धरौटी बुझाएर उनीहरू सहजै मुक्त भइरहेका छन् ।
चीनले भक्तपुरमा अत्याधुनिक अस्पताल र सातै प्रदेशमा आधुनिक आयुर्वेद केन्द्र निर्माण गर्ने भएको छ । उक्त सहयोगसम्बन्धी सम्झौताको तयारी अन्तिम चरणमा पुगेको र दुवै सरकारबीच पत्राचारसमेत भइसकेको परराष्ट्र मन्त्रालय स्रोतले जनाएको छ ।
आफूले चाहेअनुसारका सरुवा गर्न वन सचिव डा. युवकध्वज जीसी बाधक बनेपछि वन मन्त्रालयको प्रशासन महाशाखा प्रमुख सहसचिव ज्ञानेन्द्र पौडेल आफैंले अख्तियार दुरुपयोग अनुसन्धान आयोगमा सरुवा मिलाएका छन् ।
यहाँस्थित आम्दा अस्पतालले बिरामीलाई शव गृहमा राखेर उपचार गरेको खुलेको छ । भारतको आसाम जुनाइका ५५ वर्षीय नेत्र ओझाको त्यसरी उपचार गरिएको हो । ओझाको उपचार क्रममै मृत्यु भएपछि स्थानीयले लापरबाही गरेको भन्दै अस्पताल प्रशासनको विरोध गरेका छन् ।
जिल्ला कारागारमा सुरक्षा नेतृत्व गर्ने प्रहरी नायव निरीक्षक (सई) पीताम्बर आचार्यको शनिबार नुहाउने पालो थियो । ‘आज मज्जाले नुहाइयो,’ उनले भने, ‘एक बाल्टिन पानीले नुहाइयो । उब्रेकाले लुगा पनि धोएँ ।’ कारागारमा पानीको हाहाकार भएपछि नुहाउनका लागि सुरक्षाकर्मीलाई पालो मिलाइएको छ ।
फौजदारी अभियोगमा फरार आरोपी एवं कैलाली क्षेत्र १ बाट निर्वाचित सांसद रेशम चौधरीलाई आफैं उपस्थित भएर निर्वाचित भएको प्रमाणपत्र बुझाउनुपर्ने सर्वोच्च अदालतले आइतबार आदेश दिएको छ । वारेसमार्फत प्रमाणपत्र बुझी पाऊँ भन्ने उनको निवेदन अस्वीकृत गरेको प्रशासनको निर्णयलाई सर्वोच्चले सदर गरेको छ ।
राष्ट्रिय गौरवको आयोजनाका रुपमा विस्तार भइरहेको बहुचर्चित ‘गल्छी–त्रिशूली–मैलुङ–स्याफ्रुबेँसी–रसुवागढी’सडक योजनाको काम एक वर्षमा १० प्रतिशत मात्र निर्माण भएको छ । एक्काइस महिनाभित्र पूरा गर्ने सम्झौता भए पनि काम सुरु भएको एक वर्षमा १० प्रतिशत विस्तार एवं स्तरोन्नति भएको हो ।
स्थानीय तह निर्वाचनमा पार्टीका आधिकारिक उम्मेदवारलाई हराउन लागेको भन्दै नेपाली कांग्रेस पर्सा क्षेत्र नं ४ ले पूर्वमन्त्री सुरेन्द्र चौधरीसहित १२ जनालाई कारबाहीको सिफारिस गरेको छ ।
राष्ट्रपति विद्यादेवी भण्डारीले राष्ट्रियसभा गठनका लागि दलहरुबीच सहमति र सहकार्य जरुरी रहेको बताएकी छिन् । राष्ट्रपति कार्यालय, शीतल निवासमा संघीय समाजवादी फोरम नेपालका अध्यक्ष उपेन्द्र यादव र सहअध्यक्ष राजेन्द्र श्रेष्ठसँगको भेटमा उनले संविधान र कानूनअनुसार राष्ट्रियसभाको निर्वाचन गर्नका लागि दलहरु मिलेर जानका लागि आह्वान गरेकी हुन् ।
प्रहरीले ललितपुर–१ बाट हालै मात्र प्रतिनिधिसभामा निर्वाचित पूर्वप्रहरी नायव महानिरीक्षक (डिआइजी) नवराज सिलवालको कार्यसम्पादन मुल्यांकनसंग सम्बन्धित समाचारको स्रोत उल्लेख गर्न भन्दै तीन वटा समाचार अनलाइनलाई पत्र काटेको छ ।
लालुपाते ट्राभल्ससंगको समन्वयमा प्राइभेट कम्पनीको तारा एयरले आगामी पौष १९ बाट भोजपुर–काठमाडौ उडान भर्ने भएको छ । यहाँको विकास र पर्यटन प्रवद्र्धनलाई मध्यनजर गर्दै हप्तामा एकपटक बुधबार उडान गर्ने भएको ट्राभल्सका रोशन श्रेष्ठले बताए ।
म्यादी प्रहरी विवेक ऐडीको हत्यापछि भएको तनावको अवस्थालाई मध्यनजर गरी लगाइएको अनिश्चितकालीन कर्फ्यु दुई घण्टाका लागि खोलेर पुन: लगाइएको छ ।जिल्ला प्रशासन कार्यालयले बिहानको समयमा स्थानीयलाई आवतजावत तथा घरायसी काम गर्नका लागि दुई घण्टासम्म कर्फ्यु हटाएको थियो।
माओवादी केन्द्रका अध्यक्ष पुष्पकमल दाहालले पार्टी एकताबाट पछाडि फर्कन सक्ने अवस्था नरहेको बताएका छन् । चितवनमा बाम बुद्धिजीवीले आयोजना गरेको कार्यक्रममा दाहालले पार्टी एकताका सन्दर्भमा मिडियामा कपोलकल्पित र भ्रामकरुपमा आएको उल्लेख गरे ।
स्थानीय निर्वाचनअघि धेरै नगरपालिका थपिए । बजारक्षेत्र समेटिएका सबैजसो स्थान नगरपालिका घोषणा गरिए तर स्थानीयले ‘नगरवासी’ हुनुको सुविधा भने पाउन सकेका छैनन् ।
संविधानले आमा वा बुवा नेपाली नागरिक भए वंशजका आधारमा नागरिकता पाउन सकिने व्यवस्था गरे पनि आमाको नामबाट नागकिता लिन अझै असहज छ । विराटनगरकी २५ वर्षिया एक युवतीकी आमालाई (हाल काठमाडौंवासी) उनी गर्भमै छँदा बाबुले छाडे ।
लगनखेल–चापागाउँ रूटमा चल्ने बस प्रत्येक ७/७ मिनेट अन्तरमा छुट्ने तालिका छ । यो ललितपुर मिनिबस व्यवसायी संघको औपचारिक तालिका हो । तर, यथार्थमा यी गाडी १५ मिनेटमा पनि छुटदैनन् । साँझपख चल्ने गाडी त झन् आधा घण्टासम्म रोकिन्छन् । पीडित यात्रीका अनुसार कसैले ढिलो भयो भनेर गुनासो गरे चालकले उल्टै झर्पाछन् र भन्छन्, ‘हतार भए झर्नुस् न त ।’
‘दुई पांग्रे साइकल यो इन्जिन नहालेको, कति राम्रो चढी हिंडा धुवाँ नफालेकोज्यान बनाऊँ पैसा बचाऊँ, जोगाऊँ वातावरण, सर्वगुणी साइकल चढी बनौं उदाहरण ...’ साइकल अभियानका सदस्य हरिकुमार सिलवालले आफ्नो कविता यसरी वाचन गर्दै गर्दा दर्शकदीर्घामा समर्थनको ताली बज्यो । उनी पेसाले चार्टर एकान्टेन्ट हुन् ।
प्रदेश २ को नाम मिथिला राख्नुपर्ने र प्रदेशको सरकारी कामकाजको भाषा मैथिली घोषणा गर्नुपर्ने मागसहितको १३ बुँदे राजविराज घोषणापत्र जारी गर्दै १५ औं अन्तर्राष्ट्रिय मैथिली सम्मेलन शनिबार सकिएको छ ।
चिनियाँ अधिकारीले नेपालसँग ३२ महिनादेखि बन्द तातोपानी नाकाको संयुक्त सुरक्षा योजना माग गरेका छन् । दुवै मुलुकका सीमा अधिकारीबीच तिब्बतको खासामा शनिबार भएको बैठकमा चिनियाँ पक्षले सूचना आदानप्रदान र सुरक्षासम्बन्धी योजना मागेको हो ।